ગુજરાતમાં આજે સ્થાનિક સ્વરાજની ચૂંટણી માટે મતદાન થઈ રહ્યું છે જ્યાં જૂનાગઢમાં કોરોનાના નિયમોનો ભંગ જોવા મળ્યો હતો.
જૂનાગઢમાં સ્થાનિક સ્વરાજની ચૂંટણી માટે મતદાન
મતદાન શરૂ થવાને થોડી જ વાર હતી છતા નહતા પહોંચ્યા આરોગ્યકર્મી
પ્રિસાઈડિંગ ઓફિસરે કોઈ જાણ ન હોવાનું રટણ કર્યું
જૂનાગઢમાં કોવિડ-19ના નિયમોનો ભંગ
જૂનાગઢમાં સ્થાનિક સ્વરાજની ચૂંટણી માટે મતદાન કરવામાં આવી રહ્યું છે ત્યાં આજે મતદાન શરૂ થાય તે પહેલા જ તંત્રની લાલિયાવાડી સામે આવી છે. જૂનાગઢમાં મતદાન શરૂ થાય તે પહેલા આરોગીકર્મીઓ જાણે હજુ ઊંઘમાં જ હતા અને મતદાન મથકે પહોંચ્યા ન હતા.
પ્રિસાઈડિંગ ઓફિસરને જાણ નહતી!
મતદાન કેન્દ્ર પાસે માત્ર માસ્ક અને સેનેટાઈઝર મૂકી દેવામાં આવ્યા હતા તથા પ્રીસાઇડિંગ ઓફિસરને કોઈ જાણ ન હોવાનું રટણ સામે આવ્યું હતું. ઉપરી અધિકારીને પણ જાણ કરી દીધી હોવાનો રાગ આલાપતા અધિકારીઑ જોવા મળ્યા હતા.
ઉપરી અધિકારીને જાણ કરી હોવાનો રાગ આલાપ્યો
નોંધનીય છે કે ગુજરાતમાં કોરોનાકાળમાં મતદાન કરવામાં આવી રહ્યું છે અને તેના કારણે કોરોના વાયરસની ગાઈડલાઇનનું પાલન થવું ખૂબ જરૂરી છે. જોકે VTVના રિયાલિટી ચેકમાં પોલ ખૂલી હતી. હાજર અધિકારીએ કહ્યું હતું કે આરોગ્ય અધિકારીઓ નથી આવ્યા અને તેના માટે આરોગ્ય અધિકારીઓ જવાબદાર છે.
મતદાન કેન્દ્ર ઉપર માસ્ક વગર મતદારો દેખાયા
બીજી તરફ મતદાન શરૂ થયા બાદ મતદારો પણ કોરોના વાયરસના નિયમોનું ભંગ કરતાં દેખાઇ રહ્યા છે. લઘના બધા લોકો માસ્ક વગર જ ફરી રહ્યા છે.