મહામારી / ઉપેક્ષા ભારે પડશે ! કોરોનાના નવા XE વેરિયન્ટના લક્ષણો આવ્યાં સામે, દેશના 2 રાજ્યમાં 3 કેસ

• ભારતમાં XE વેરિયન્ટથી ચોથી લહેર આવે તેવી શક્યતા 
• હાલમાં ગુજરાત અને મહારાષ્ટ્રમાં 3 કેસ છે XE વેરિયન્ટના 
• હવે આ નવા વેરિયન્ટના લક્ષણો સામે આવ્યાં 

કોરોનાનો નવો વેરિએન્ટ XE  ભારતના 2 રાજ્યો (ગુજરાત અને મુંબઇ)માં આવી ચૂક્યો છે. બીએમસીએ મુંબઈમાં ફરી એક્સઈ વેરિએન્ટથી સંક્રમિત એક વ્યક્તિને શોધી કાઢવાનો દાવો કર્યો છે, જ્યારે ગુજરાતમાં પણ નવા વાયરસ માટે એક વ્યક્તિનો રિપોર્ટ પોઝિટિવ આવ્યો છે. પ્રાથમિક અહેવાલો અનુસાર, કોવિડ -19 નો આ નવો વેરિએન્ટ એકદમ ચેપી છે અને ખૂબ જ ઝડપથી ફેલાય છે. મહારાષ્ટ્ર અને ગુજરાતમાં XE વેરિએન્ટના 2 નવા કેસ મળ્યા બાદ લોકોમાં ચોથી લહેરની ચિંતા વધવા લાગી છે.
વર્લ્ડ હેલ્થ ઓર્ગેનાઇઝેશને XE  વેરિએન્ટને બીએ.2 વેરિઅન્ટ કરતા 10 ટકા વધુ ચેપી ગણાવ્યું છે. 

ભારતના બે રાજ્યોમાં XE  વેરિએન્ટના કેસ

ભારતમાં હાલમાં ગુજરાત અને મહારાષ્ટ્રમાં XE  વેરિએન્ટના કેસ નોંધાયેલા છે. ગુજરાતમાં 1 અને મહારાષ્ટ્રના 2 કેસ આ વેરિયન્ટના છે. XE  વેરિએન્ટ અતિ હળવો હોવાનું નિષ્ણાંતોનું માનવું છે પરંતુ તે ચોથી લહેર લાવી શકવા સક્ષમ છે. 

કોવિડ XE વેરિઅન્ટના લક્ષણો

હિન્દુજા હોસ્પિટલ અને ખારના મેડિકલ રિસર્ચ સેન્ટરના ક્રિટિકલ કેર, કન્સલ્ટન્ટ ડો.ભારેશ દેઢિયાના જણાવ્યા અનુસાર, XE હાઇબ્રિડ સ્ટ્રેઇનના આ વેરિઅન્ટ વચ્ચે કોઈ તબીબી રીતે તફાવત કરી શકે નહીં. એવું લાગે છે કે નવો સબ-વેરિઅન્ટ XE ઓમિક્રોનના તમામ લક્ષણો જેવો જ છે. તે સામાન્ય રીતે હળવા હોય છે અને ખૂબ ગંભીર પણ નથી. નોંધનીય છે કે XE વેરિએન્ટ લગભગ 3 મહિનાથી હાજર છે અને હજુ સુધી દુનિયાભરમાં ઓમિક્રોનની જેમ ફેલાયો નથી. તેથી કહી શકાય કે તે કોઈ અલગ પ્રકાર નથી, પરંતુ તે ઓમિક્રોન જેવું જ છે.

XE વેરિઅન્ટના અત્યાર સુધીમાં નિષ્ણાતોએ જે લક્ષણો દર્શાવ્યા છે તે આ મુજબ છે

- થાક
- સુસ્તી
- તાવ
- માથાનો દુખાવો
- શરીરનો દુખાવો
- ગભરામણ
- ધબકારા 

નોઈડાની એક સ્કૂલમાં કોરોના વિસ્ફોટ

દેશમાં કોરોનાની ચોથી લહેરની ઘણી આગાહીઓની વચ્ચે નોઈડાની એક સ્કૂલમાં કોરોના વિસ્ફોટ થયો છે. નોઈડાની પબ્લિક ખેતાન સ્કૂલમાં જે બન્યું તે કોરોનાની ચોથી લહેરનો સંકેત છે. છેલ્લા કેટલાક દિવસોથી કોરોના સંક્રમણની ગતિ ખૂબ જ ધીમી પડી હતી, પરંતુ હવે ફરી એકવાર નોઈડામાં સંક્રમણની ગતિ વધી રહી છે. 

નોઈડામાં સ્કૂલ ખુલતાની સાથે જ વધવા લાગ્યા કોરોના કેસ 
નોઈડામાં પણ શાળા ખુલવાની સાથે જ કોરોનાના કેસ વધવાના સમાચાર છે. સોમવારે સેક્ટર-40ની ખેતાન પબ્લિક સ્કૂલમાં વિદ્યાર્થીઓ અને શિક્ષકો સહિત 16 લોકો કોરોનાની ઝપેટમાં આવી ગયા છે. હાલમાં સ્કૂલ મેનેજમેન્ટે સ્કૂલ બંધ કરી દીધી છે. જિલ્લા આરોગ્ય વિભાગ આ મામલે તપાસ કરી રહ્યું છે.