તમારા કામનું / આજે રાત્રીથી 14 કલાક માટે બંધ થઈ રહી છે બેન્કોની આ સર્વિસ, જો પૈસા ટ્રાન્સફર કરવા હોય તો હાલ જ કરી દેજો

• રવિવાર, 23 મે ના રોજ આ સર્વિસ 14 કલાક માટે બંધ થવા જઈ રહી છે
• RBI એ ટ્વિટ દ્વારા આ વાતની જાણકારી આપી હતી
• શનિવાર રાત્રે 12 વાગ્યાથી રવિવાર બપોર 2 વાગ્યા સુધી NEFT સર્વિસ બંધ રહેશે

રવિવાર, 23 મે ના રોજ આ સર્વિસ 14 કલાક માટે બંધ થવા જઈ રહી છે
રવિવાર, 23 મે ના રોજ આ સર્વિસ 14 કલાક માટે બંધ થવા જઈ રહી છે અને આ તમારા માટે ઘણી ખાસ ખબર છે. કારણકે 14 કલાક સુધી કોઈ પણ પ્રકારે પૈસાની લેણદેણ થશે નહીં. આ વાતની જાણકારી RBI એ પ્રેસ નોટ દ્વારા આપી હતી. જો તમે આ સર્વિસનો લાભ લેવા માંગો છો કે કોઈને પૈસાની લેણદેણ કરવા માંગો છો તો એ કામ 22 મે સુધીમાં આ કામ પતાવી લો જેનાથી કોઈ સમસ્યા ઊભી ના થાય. 

RBI એ ટ્વિટ દ્વારા આ વાતની જાણકારી આપી હતી
RBI એ ટ્વિટ દ્વારા આ વાતની જાણકારી આપી હતી, જેમાં ટેક્નિકલ અપગ્રેડશનના કારણે આ સર્વિસ બંધ રહેશે તેમ કહેવામાં આવ્યું છે. આ અપગ્રેડેશન શનિવાર રાતે 12 વાગ્યાથી લઈ રવિવારે બપોરે 2 વાગ્યા સુધી બંધ રહેશે. પણ RTGS આ સમયે ચાલુ રહેશે. અમે અમારા ગ્રાહકોને અગાઉથી જ જણાવી દઈએ જેથી કોઈ પણ પ્રકારની સમસ્યા રહે નહીં. 

NEFT System Upgrade – Downtime from 00.01 Hrs to 14.00 Hrs. on Sunday, May 23, 2021https://t.co/i3ioh6r7AY

— ReserveBankOfIndia (@RBI) May 17, 2021

શનિવાર રાત્રે 12 વાગ્યાથી રવિવાર બપોર 2 વાગ્યા સુધી NEFT સર્વિસ બંધ રહેશે
આ સાથે જ SBI એ પોતાના ગ્રાહકોને આ વિશે જાણકારી આપી હતી. SBIએ ટ્વિટ દ્વારા કહ્યું કે ઈન્ટરનેટ બેન્કિંગ, યોનો, અને યોનો લાઇટ પર શનિવાર રાત્રે 12 વાગ્યાથી રવિવાર બપોર 2 વાગ્યા સુધી NEFT સર્વિસ બંધ રહેશે. NEFT સર્વિસ 24*7 ચાલુ રહેતી સર્વિસ છે. સાથે જ આ સર્વિસમાં પૈસા ટ્રાન્સફર કરવાની કોઈ લિમિટ છે નહીં અને માત્ર 30 મિનિટમાં પૈસા ખાતામાં જમા થઈ જાય છે. NEFT એટલે નેશનલ ઇલેક્ટ્રોનિક ફંડ ટ્રાન્સફર એક પેમેન્ટ સિસ્ટમ છે. જે પૈસા ટ્રાન્સફર કરવા માટે વપરાય છે. જેમાં એ બેન્કથી બીજા બેન્ક અને એક શાખામાંથી બીજી શાખામાં પૈસા ટ્રાન્સફર કરી શકાય છે.