બોલિવુડનો રોકસ્ટાર રણબીર કપૂર આજે પોતાનો 37મો બર્થડે સેલિબ્રેટ કરી રહ્યો છે, આ વચ્ચે રણબીર કપૂરની માતા અને બોલિવુડની ફેમસ એક્ટ્રેસ નીતુ કપૂરે દિકરા માટે એક ઇમોશનલ મેસેજ લખીને બર્થડે વિશ કર્યુ છે.
આ સિવાય રણબીરની કથિત ગર્લફ્રેન્ડ આલિયા ભટ્ટ અને મમ્મી નીતૂ કપૂરે એક શાનદાર પાર્ટીનું આયોજન કર્યુ હતુ જેમાં દીપિકા પાદુકોણ, રણવીર સિંહ, શાહરૂખ-ગૌરી, મલાઇકા-અર્જૂન, આમિર-કિરણ, ઝોયા અખ્તર, કરણ જોહર અને આકાશ અંબાણી જેવા સ્ટાર્સ હાજર રહ્યા હતા.
આ ખાસ દિવસ પર નીતૂ કપૂરે પોતાના ઑફિશ્યલ સોશ્યલ મીડિયા એકાઉન્ટ પર રણબીરના કેટલાક જૂના ફોટોઝ પણ શૅર કર્યા હતા, આ ફોટોજમાં રણબીર પોતાનો બર્થ ડે સેલિબ્રેટ કરતો જોવા મળી રહ્યો છે. આ ફોટો શૅર કરતા નીતૂ કપૂરે લખ્યુ કે, “હવે હું રોજ તને આશીર્વાદ આપું છું. તું જ્યાં પણ જાય છે ત્યા તારા સારા ગુણથી છાપ છોડે. તુ અમારી તાકાત બની રહ્યો છે. તું કહ્યા વિના જ સમજી જાય છે. તુ તારી આસપાસના લોકોને પ્રોત્સાહન આપે છે. આ બધુ જોઇને મારું હૃદય ભાવુક થઇ જાય છે. હમેશા ખુશ રહે RK !!''
નીતૂ કપૂર અને આલિયા ભટ્ટે આયોજિત કરેલી રણબીરની બર્થડે પાર્ટીના ફોટોઝ અને વીડિયોઝ સોશ્યલ મીડિયા પર વાયરલ થઇ રહ્યા છે. ઋષિ કપૂર 11 મહિના ન્યૂયોર્કમાં કેન્સરની સારવાર લઈને આવ્યા છે, ત્યારે આ બર્થ ડે પાર્ટીની સાથે તેમની વેલકમ પાર્ટી પણ હતી.