મહેશ ભટ્ટની દીકરી આલિયા ભટ્ટ હવે નીતુ કપૂરની વહુ બની ગઈ છે. 14 એપ્રિલના રોજ આલિયા અને રણબીર કપૂરે લગ્ન કરી લીધા છે.
નીતુ કપૂરે વહુ માટે વ્યક્ત કરી આ ઈચ્છા
કપૂર અને ભટ્ટ ફેમિલિ સતત શેર કરી રહ્યા લગ્નના ફોટો
નીતુ કપૂરે પણ શેર કર્યા આ ફોટો
મહેશ ભટ્ટની દીકરી આલિયા ભટ્ટ હવે નીતુ કપૂરની વહુ બની ગઈ છે. 14 એપ્રિલના રોજ આલિયા અને રણબીર કપૂરે પરિવારના સભ્યોની હાજરીમાં એકબીજાનો હાથ પકડ્યો અને 7 જન્મ સાથે રહેવાનું વચન આપ્યું છે.
રણબીર આલિયાના લગ્નથી તેમના ચાહકો ખુશ છે ત્યાં જ નીતુ કપૂરની ખુશીનો પણ પાર નથી. નીતુએ લગ્ન થતા જ આલિયા સામે એક ડિમાન્ડ મૂકી છે. નીતુ કપૂર ઇચ્છે છે કે આલિયા હવે ઘર સંભાળે.
શું કહ્યું નીતુ કપૂરે?
હાલ નીતુ કપૂર ડાન્સિંગ રિયાલિટી શો 'ડાન્સ દીવાને જુનિયર'માં જજ તરીકે જોવા મળી રહ્યા છે. હાલમાં જ શોમાં તેણે રણબીર અને આલિયાના લગ્ન વિશે વાત કરી અને કહ્યું કે હવે તે ઈચ્છે છે કે આલિયા ઘરને રૂલ કરે. પુત્રવધૂના વખાણ કરતાં નીતુ કપૂરે આલિયા ભટ્ટને બેસ્ટ ગણાવી હતી.
નીતુ કપૂરે શેર કર્યો રોયલ ફોટો
રણબીર અને આલિયાનો પરિવાર તેમના ઇન્સ્ટાગ્રામ પર લગ્નની તસવીરો સતત શેર કરી રહ્યો છે. આ દરમિયાન નીતુ કપૂરે તેના ઈન્સ્ટાગ્રામ પર એક તસવીર શેર કરી છે જેમાં બંનેનો પરિવાર ખૂબ જ રોયલ અંદાજમાં જોવા મળી રહ્યો છે. આ ફોટો સાથે રણબીર-આલિયા, નીતુ કપૂર, સોની રાઝદાન, મહેશ ભટ્ટ, રિદ્ધિમા કપૂર અને તેના પતિ ભરત સાહની જોવા મળે છે. ફોટો શેર કરતી વખતે નીતુએ કેપ્શનમાં લખ્યું 'મારો પરિવાર.'
ઋષિ કપૂરને કર્યા યાદ
નીતુએ તેમના ઈન્સ્ટાગ્રામ પર રણબીર સાથેનો એક ફોટો શેર કર્યો છે. જેમાં તે પુત્રના ખભા પર હાથ મૂકીને રિલેક્સ મૂડમાં જોવા મળી રહી છે. નીતુના ચહેરા પર પુત્રના લગ્નની ખુશી સ્પષ્ટ દેખાઈ રહી છે. ફોટો શેર કરતી વખતે નીતુ કપૂરે કેપ્શનમાં લખ્યું કે 'યે આપકો આપકો સમર્પિત હૈ કપૂર સાહેબ, તમારી ઈચ્છા પૂરી થઈ છે'.