BIG NEWS / આવતીકાલે યોજાનારી NEET PG પ્રવેશ પરીક્ષા કેન્સલ, ટૂંક સમયમાં નવી તારીખ

NEET પેપર લીકના વિવાદ વચ્ચે વધુ એક પરીક્ષા સ્થગિત કરવામાં આવી છે. આવતીકાલે એટલે રવિવારે દેશભરમાં NEET-PG પ્રવેશ પરીક્ષા યોજાવાની હતી પરંતુ હવે કેન્દ્રીય શિક્ષણ મંત્રાલયે તેને બંધ રાખવાનો નિર્ણય લીધો છે. પરીક્ષાની નવી તારીખ ટૂંક સમયમાં જાહેર કરવામાં આવશે.

છેલ્લી ઘડીએ કેમ મોકૂફ રહી NEET PG

આરોગ્ય મંત્રાલયે મેડિકલ વિદ્યાર્થીઓ માટે નેશનલ બોર્ડ ઓફ એક્ઝામિનેશન દ્વારા આયોજિત NEET-PG પ્રવેશ પરીક્ષાની સમગ્ર પ્રક્રિયાનું નજીકથી મૂલ્યાંકન કરવાનો નિર્ણય લીધો છે. તેથી, સાવચેતીના પગલા તરીકે 23 જૂન 2024 ના રોજ યોજાનારી NEET-PG પ્રવેશ પરીક્ષાને સ્થગિત કરવાનો નિર્ણય લેવામાં આવ્યો છે. સ્વાસ્થ્ય મંત્રાલયે કહ્યું કે આ પરીક્ષાની નવી તારીખ ટૂંક સમયમાં જાહેર કરવામાં આવશે. વિદ્યાર્થીઓને પડી રહેલી અસુવિધા બદલ ખેદ વ્યક્ત કરતા આરોગ્ય મંત્રાલયે કહ્યું કે આ નિર્ણય વિદ્યાર્થીઓના હિતમાં અને પરીક્ષા પ્રક્રિયાની પવિત્રતા જાળવવા માટે લેવામાં આવ્યો છે.

વધુ વાંચો : પેપર લીક બાદ કેન્દ્રનું મોટું એક્શન, NTA ડિરેક્ટરને હટાવ્યાં, પ્રદીપ કુમારને સોંપ્યો ચાર્જ

શું છે NEET PG

NEET PG એ એલિજિબિલિટી કમ રેન્કિંગ પરીક્ષા છે. જે નેશનલ મેડિકલ કમિશન એક્ટ, 2019 હેઠળ વિવિધ MD/MS અને PG ડિપ્લોમા અભ્યાસક્રમોમાં પ્રવેશ માટે હાથ ધરવામાં આવે છે.