NEET 2020 / ત્રણ કલાકમાં ડાઉનલોડ થયા 4 લાખથી વધારે NEETના એડમિટ કાર્ડ

• સુપ્રિમ કોર્ટે ફગાવી હતી અરજી
• બંને પરિક્ષા સપ્ટેમ્બરમાં લેવાશે
• રાહુલ ગાંધી જોડાયા વિદ્યાર્થીઓ સાથે

NEETની પરિક્ષા સપ્ટેમ્બરમાં છે, ત્યારે એન્જીનીયરિંગની પ્રવેશ પરિક્ષા JEE મેન 1થી 6 સપ્ટેમ્બર વચ્ચે નિર્ધારિત છે. 9.53 લાખ ઉમેદવારોએ JEEના ફોર્મ ડાઉનલોડ કર્યા છે તો NEETના 15.97 લાખ લોકોએ ડાઉનલોડ કર્યા છે. 

કોરોનાકાળને કારણે આ બંને પરિક્ષાને મુલતવી રાખવાના પ્રયાસ પર સુપ્રિમ કોર્ટે લાલ ઝંડી બતાવી દીધી હતી. શિક્ષા મંત્રાલયે પણ નિવેદન આપ્યુ હતુ કે બંને પરિક્ષા સપ્ટેમ્બરમાં જ લેવામાં આવશે. 

તમને જણાવી દઇએ કે, પરિક્ષાકેન્દ્રોની સંખ્યા JEE માચે 570 થી 660 છે તો NEET માટે 2546 થી 3843 છે. JEE કમ્પ્યુટર બેઝ્ડ પરિક્ષા છે જ્યારે NEET પેન પેપર બેઝ્ડ. 

સુપ્રિમ કોર્ટને અરજ કરવામાં આવી હતી કે કોરોનાને કારણે પરિક્ષાને સ્થગિત કરવામાં આવે પરંતુ સુપ્રિમ કોર્ટે આ અરજને ફગાવી દીધી હતી. 

શું છે સમગ્ર બાબત

તમને જણાવી દઇએ કે સુપ્રિમ કોર્ટે યોચિકા ફગાવી દીધી બાદમાં 21 ઓગસ્ટે ટેસ્ટ માટેની ગાઇડલાઇન જાહેર કરી દેવામાં આવી હતી. આ વાતને લઇને વિદ્યાર્થીઓ વિરોધ કરી રહ્યાં છે, કારણકે કોરોનાકાળમાં આટલા બધા લોકો એક જ જગ્યાએ હાજર હશે તો સંક્રમણનો ખતરો વધી જશે. 

આ બાબતે કોંગ્રેસના નેતા રાહુલ ગાંધી જોડાયા બાદ મામલો વધારે વિકર્યો છે. રાહુલ ગાંધીએ આ બાબતે કહ્યું હતુ કે વડાપ્રધાને વિદ્યાર્થીઓના મનની વાત સાંભળવી જોઇએ.