કોરોના લોકડાઉનના પગલે જેઈઈ અને નીટ સહિતની પરીક્ષાઓના શિડ્યુલ ખોરવાયા છે હવે વિદ્યાર્થીઓએ આ પરીક્ષાઓ આપવામાટે જુલાઈની રાહ જોવાની છે ત્યારે જેઈઈ અને નીટ ના વિદ્યાર્થીઓ ઘેરબેઠા રીવીઝન કરી શકે તેના માટે નેશનલ ટેસ્ટિંગ એજન્સી દ્વારા વિદ્યાર્થીઓ માટે મોબાઈલ એપ્લિકેશન તૈયાર કરવામાં આવી છે
કોરોના મહામારીને લઇને મહત્વનો નિર્ણય
JEE અને NETનો મોક ટેસ્ટ મોબાઈલ એપથી આપી શકાશે
વિદ્યાર્થીઓ ઓફ લાઈન પરીક્ષા પણ આપી શકશે
નેશનલ ટેસ્ટિંગ એજન્સી દ્વારા નેશનલ ટેસ્ટ અભ્યાસ નામની મોબાઈલ એપ્લિકેશન તૈયાર કરવામાં આવી છે જેના દ્વારા વિદ્યાર્થીઓ JEE મેઈન અને નીટની આવનારી આગામી પરીક્ષાની તૈયારીઓ માટે ઉપયોગ કરી શકશે. જે વિદ્યાર્થીઓ પાસે ઇન્ટરનેટની સુવિધા નથી અથવા ઇન્ટરનેટની મુશ્કેલી છે તેવા વિદ્યાર્થીઓ હવે આ મોબાઈલ એપ્લિકેશન પર નીટ અને જેઈઈની મોક ટેસ્ટ આપી શકશે.
ઓનલાઇન-ઓફલાઇન બંન્ને રીતે આપી શકશે પરીક્ષા
National Test Abyaas app has been launched by @DG_NTA for students preparing for JEE (Mains) and NEET. Within less than 72 hours of launch, more than 2,00,000 students have downloaded it.
— Bureau of Outreach & Communication (BOC) (@BOC_MIB) May 24, 2020
આમ તમામ વિદ્યાર્થીઓ હવે મોબાઈલ એપ્લિકેશનથી મોક ટેસ્ટ સાથે પરીક્ષાની તૈયારીઓ કરી શકશે. એકવાર વિદ્યાર્થી પરીક્ષા આપી દે ત્યારબાદ ફરીવાર ઓનલાઇન થઈને પોતાનો મોકટેસ્ટ રિપોર્ટ જોઈ શકશે. વિદ્યાર્થીઓ ઓનલાઇન લોગ ઇન થયા બાદ ઓફ લાઈન પરીક્ષા પણ આપી શકશે. કોરોના વાયરસના કારણે લાગુ કરવામાં આવેલ લૉકડાઉના કારણે ટાળવામાં આવેલ નીટ અને જેઈઈ મેઈન પરીક્ષા 18 જુલાઈથી 23 જુલાઈ વચ્ચે આયોજિત કરવામાં આવશે.
નીટ પરીક્ષા 26 જુલાઈના રોજ આયોજિત કરાશે
નીટ પરીક્ષા 26 જુલાઈના રોજ આયોજિત કરવામાં આવશે.દેશભરમાં 15 લાખથી વધુ છાત્રોએ આ વર્ષે નીટ માટે રજિસ્ટ્રેશન કરાવ્યુ છે નીટ પરીક્ષા ભારતમાં મેડીકલ કોલેજો માટે પ્રવેશ દ્વાર છે. બીજી તરફ 9 લાખથી વધુ છાત્રોએ જેઈઈ મેઈન્સ માટે રજિસ્ટ્રેશન કરાવ્યુ છે. જેઈઈ મેઈન્સને જેઈઈ એડવાન્સ માટે ક્વૉલિફાય માનવામાં આવે છે.