ના હોય! / ગોલ્ડ મેડલ લાવ્યા બાદ નિરજ ચોપડાએ ફરી કરી કમાલ, ભલભલા એક્ટ્રર્સને પણ પાછા પાડે તેવી કરી એક્ટિંગ

• ગોલ્ડ મેડલ જીત્યા બાદ ફરી નિરજનો કમાલ 
• એક્ટિંગ દ્વારા જીત્યુ લોકોનું દિલ 
• ફેન્સને ખૂબ પસંદ આવ્યો નિરજનો આ અંદાજ

ટોક્યો ઓલિમ્પિકમાં જેવલિન થ્રોમાં ગોલ્ડ મેડલ જીતીને દેશનું નામ રોશન કરનાર નિરજ ચોપડા ખૂબ ચર્ચામાં રહે છે. આ વખતે તે રમવાના કારણે નહીં પરંતુ તેની એક્ટિંગના કારણે ચર્ચામાં છે. એક જાહેરાતમાં તેણે પાંચ અલગ અલગ ભુમિકાઓ કરી છે. આ પહેલા નિરજે જાહેરાતો કરી છે પરંતુ આ પહેલી જાહેરાત એવી છે જેમાં તેણે એક્ટિંગ કરી છે. આ જાહેરાતને નીરજના ચાહકો ખૂબ પસંદ કરી રહ્યા છે. 

લોકોને ખૂૂબ પસંદ આવી રહી છે જાહેરાત 
આ જાહેરાતમાં નીરજ ચોપડા, પત્રકાર, ફિલ્મ નિર્દેશક, માર્કેટિંગ ગુરૂ, બેન્ક ક્લર્ક અને એક યુવાની ભુમિકામાં જોવા મળી રહ્યા છે. આ જાહેરાત લોકોને ખૂબ પસંદ આવી રહી છે. તેમાં નિરજ પોતાની ભુમિકાથી બધાને હસવા પર મજબૂર કરી દેશે. નિરજ ચોપડાએ આ જાહેરાતને પોતાના સોશિયલ મીડિયા પ્લેટફોર્મ પર શેર કરી છે. જેમાં તેમને 360 ડિગ્રી માર્કેટિંગ બતાવ્યા છે. તેના પર તેના ચાહકોએ કમેન્ટ કરી રહ્યા છે અને જાહેરાત ટ્રેન્ડિંગમાં છે.  આ પહેલા કોન બનેગા કરોડપતિના શાનદાર શુક્રવારના એપિસોડમાં ભાગ લેવા પહોંચેલા નિરજ ચોપડાની ફિટનેસ જોઈને બધા ચોંકી ઉઠ્યા હતા. નિરજે શો વખતે સેટ પર જ પોતાના આખા શરીરને વાળી નાખ્યું હતું. નિરજના શરીરની આ ફ્લેક્સિબિલિટી હોસ્ટ અમિતાભ બચ્ચન પણ ચોંકી ઉઠ્યા હતા. 

નિરજ ચોપડાના એક ફેને વીડિયોને લઈને લખ્યુ કે જાહેરાતમાં પ્રોફેશનલ એક્ટરથી વધારે સારી એક્ટિંગ તો નીરજ ચોપડાએ પોતે કરી છે. ત્યાં જ સોશિયલ મીડિયા પર એક યુઝરે જાહેરાતને લઈને અભિનેતાઓની તસ્વીર શેર કરતા લખ્યું છે કે અભિનેતાઓનું કરિયર સંકટમાં છે. 

નિરજ ચોપડાની પ્રસિદ્ધિ વધતી જઈ રહી છે. 23 વર્ષીય નિરજના પ્રશંસકોની સંખ્યામાં સતત વધારો થઈ રહ્યો છે. ત્યાં હવે સોશિયલ મીડિયાના તે નવા રોકસ્ટાર બની ગયા છે.