નીરજ ચોપરા આ નામ અત્યારે ભારતના ઘરે ઘરે જાણીતું બન્યું છે. ટોક્યો ઓલિમ્પિક્સમાં ભારતને ગોલ્ડ મેડલ અપાવીને દેશનું નામ રોશન કર્યુ છે.
નીરજનો જૂનો વીડિયો વાયરલ
લાંબા વાળની પ્રેરણા કોણ છે?
ટ્વિટર પર વાયરલ થઇ રહ્યો છે આ વીડિયો
આજે નીરજ સમગ્ર દેશ માટે હીરો બની ચૂક્યા છે. સોશ્યલ મિડીયા પર પણ નીરજ જ છવાયેલા છે અને હાલમાં એક વીડિયો ખુબ વાયરલ થઇ રહ્યો છે જેમાં એન્કર તેમને સવાલ પૂછે છે અને તેનો જે જવાબ નીરજ આપે છે તે સાંભળીને દિલ ખુશ થઇ જશે.
ટ્વિટર પર વાયરલ થઇ રહેલો આ વીડિયો 54 સેકન્ડનો છે અને તેમાં એક એન્કર નીરજ ચોપરા પાસે આવે છે અને તેને અંગ્રેજીમાં સવાલ પૂછે છે પરંતુ નીરજ જવાબ આપે છે કે હિન્દીમાં સવાલ પૂછો.
— Tajinder Pal Singh Bagga (@TajinderBagga) August 9, 2021
એન્કર તેને પૂછે છે કે જેવલિનની શરૂઆત કેવી રીતે થઇ. ત્યારે નીરજ જવાબ આપે છે કે ગામમાં અલગ અલગ સ્પોર્ટ્સ હોય છે અને સિનિયર્સને ગેમ રમતા જોઇને મેં પણ શરૂઆત કરી લીધી હતી. તે સિવાય એન્કર તેને પ્રશ્ન પૂછે છે કે હેરસ્ટાઇલની પ્રેરણા કોણ છે શાહરૂખ કે ઇશાન ત્યારે નીરજ જવાબ આપે છે કે કોઇ નહી હું પોતે જ વાળ લાંબા રાખુ છું.
ભારતનાં ખાતામાં પહેલો ગોલ્ડ
આખરે ભારતનું સપનું સાકાર થયું, ભાલા ફેંકમાં ભારતનાં સ્ટાર નિરજ ચોપડાએ ઈતિહાસ રચી દીધો છે. ટોક્યો ઑલિમ્પિક્સમાં ભારતને ગોલ્ડની આશા માત્ર નિરજ પાસેથી જ બચી હતી જે નિરજે સાકાર કરી. નિરજે ઑલિમ્પિક્સમાં જે રીતે ભાલો ફેંક્યો તે જોઈને વિશ્વનાં ધુરંધરો પણ હેરાન થઈ ગયા હતા, પહેલા જ રાઉન્ડથી નિરજ ટોપ પર રહ્યા અને 6 રાઉન્ડ સુધી તેમના સ્કોરને કોઈ અડી પણ ન શક્યું.
નિરજે ધમાકેદાર શરૂઆત કરી (પ્રથમ રાઉન્ડ)
નીરજ ચોપડા ફાઇનલમાં ઉતર્યા ત્યારે તેઓ એ સૌથી પહેલા ભાલાફેંકમાં 87 મીટર દૂર ભાલો ફેંક્યો હતો. નીરજની ધમાકેદાર શરૂઆત બાદ પહેલા જ પ્રયાસમાં ખૂબ જ દૂર થ્રો કર્યો હતો. નીરજનો થ્રો જોઈને અન્ય ખેલાડીઓ પણ ચોંકી ગયા હતા.
— Tajinder Pal Singh Bagga (@TajinderBagga) August 9, 2021
બીજા રાઉન્ડમાં પણ ટોપમાં
એક બાદ એક નીરજ ચોપડા જોરદાર પ્રદર્શન કરી રહ્યા હતા. બીજા રાઉન્ડમાં પણ નિરજે જોરદાર થ્રો કર્યો અને 87.58 મીટર દૂર ભાલો ફેંક્યો તેઓ સતત બીજા રાઉન્ડમાં ટોપ પર રહ્યા.
ત્રીજા રાઉન્ડમાં થોડું નિશાન ચૂક્યું
ત્રીજા રાઉન્ડમાં નીરજનો ભાલો દૂર સુધી ન જઈ શક્યો, ત્રીજા પ્રયાસમાં 76.79 મીટર સુધી ભલો ફેંક્યો હતો. ત્રણ રાઉન્ડ બાદ નીરજ પહેલા સ્થાન પર જ યથાવત રહ્યા હતા.