ત્રણ વખત આઈપીએલ ચેમ્પિયન રહેલી ચેન્નઈ સુપરકિંગ્સે ટોક્યો ઓલિમ્પિકના ગોલ્ડ મેડલ વિજેતા નીરજ ચોપડાને તેમની ઐતિહાસિક સિદ્ધી માટે રવિવારે એક કરોડ રૂપિયાનો ચેક આપી સન્માન કરવામાં આવ્યું.
ચેન્નઈ સુપર કિંગ્સે નીરજ ચોપડાનું કર્યુ સન્માન
ઐતિહાસિક સિદ્ધી માટે 1 કરોડ રૂપિયાનો ચેક આપ્યો
ચોપડાને સન્માનમાં 8758 નંબરની જરસી પણ આપી
નીરજને મળ્યાં 1 કરોડ રૂપિયા
ભાલા ફેંકના ખેલાડી નીરજ ચાપડાને ચેન્નઈ સુપર કિંગ્સ ક્રિકેટ લિમિટેડ તરફથી અહીં 1 કરોડ રૂપિયાનો ચેક આપવામાં આવ્યો. ફ્રેન્ચાઈઝીની પ્રેસ નોટ મુજબ, સીએસકેએ નીરજ ચોપડાના સન્માનમાં 8758 નંબર (ટોક્યોમાં 87.58 મીટર ગોલ્ડ મેડલના પ્રયાસના આધારે)ની જરસી પણ આપી. ચોપડા અભિનવ બિન્દ્રા બાદ ભારતના બીજા એવા વ્યક્તિ છે, જે ઓલિમ્પિક સુવર્ણ ચંદ્રક વિજેતા બન્યાં છે.
— Chennai Super Kings - Mask P😷du Whistle P🥳du! (@ChennaiIPL) October 31, 2021
નીરજ ચોપડા પર ગર્વ છે
સીએસકેના સીઈઓ કાશી વિશ્વનાથને કહ્યું, શાનદાર સિદ્ધી માટે આખા દેશને નીરજ પર ગર્વ છે. ટ્રેક એન્ડ ફીલ્ડમાં ગોલ્ડ મેડલ જીતનારા પ્રથમ ભારતીય બનીને તેમણે માપદંડ સ્થાપિત કર્યો છે. કાશી વિશ્વનાથને કહ્યું, તેઓ આગામી પેઢી માટે પ્રેરણારૂપ છે. 87.58નો આંકડો હંમેશા માટે ભારતીય રમત-જગતના ઈતિહાસમાં નોંધાયેલો છે અને નીરજને આ ખાસ જરસી સોંપવી અમારા માટે સન્માનની વાત છે.