નીરજ ચોપરાએ વર્લ્ડ એથ્લેટિક્સમાં સિલ્વર મેડલ જીતીને ભારત માટે ઈતિહાસ રચી દીધો છે. ત્યારે ભારત ભરમાંથી તેમને અભિનંદન મળી રહ્યા છે. નીરજના પિતાએ પણ તેમની મનોવ્યથા બધાના સામે કહી હતી.
અમેરિકાના યુજીનમાં યોજાયેલી વર્લ્ડ એથ્લેટિક્સ ચેમ્પિયનશિપમાં ઓલિમ્પિક ચેમ્પિયન જેવલીન થ્રોઅર નીરજ ચોપરાએ સિલ્વર મેડલ જીત્યા બાદ પાણીપત જિલ્લામાં સ્થિત તેમના ગામમાં ઉજવણીનો માહોલ છે. હરિયાણાના પાનીપત પાસેના ખંડ્રા ગામના ખેડૂતનો પુત્ર 24 વર્ષીય આ ખેલાડી વર્લ્ડ ચેમ્પિયનશીપમાં મેડલ જીતનારો માત્ર બીજો ભારતીય અને પ્રથમ પુરુષ એથ્લીટ બની ગયો છે.
પરિવારમાં ઉજવણીનો માહોલ છે
નીરજ ચોપરા અને તેના પરિવારને સવારથી જ તમામ જગ્યાથી અભિનંદન મળી રહ્યા છે. તેમને અભિનંદન આપનારાઓમાં હરિયાણાના મુખ્યમંત્રી મનોહરલાલ ખટ્ટર, ઉપમુખ્યમંત્રી દુષ્યંત ચૌટાલા અને પૂર્વ મુખ્યમંત્રી ભૂપિંદર સિંહ હુડ્ડા પણ સામેલ હતા. ગામની મહિલાઓ ઉજવણીમાં નાચતી અને ગીતો ગાતી જોવા મળી હતી, જ્યારે ચોપરાનો પરિવાર મહેમાનોને આમંત્રણ આપવામાં અને લાડુ વહેંચવામાં વ્યસ્ત હતો.
#WATCH | Villagers, family celebrates Neeraj Chopra's win in the World Athletics Championships at his hometown in Panipat, Haryana pic.twitter.com/WERadvQH1q
પિતાએ આ વાત કહી
નીરજ ચોપરાના પિતા સતીશ ચોપરાએ કહ્યું કે, ભારતે લગભગ બે દાયકા બાદ વર્લ્ડ ચેમ્પિયનશીપમાં મેડલ જીત્યો છે. આ પહેલા લોંગ જમ્પની એથ્લીટ અંજુ બોબી જ્યોર્જે બ્રોન્ઝ મેડલના રૂપમાં દેશ માટે વર્લ્ડ ચેમ્પિયનશિપમાં મેડલ જીત્યો હતો. સતીશ ચોપરાએ કહ્યું, "અત્યાર સુધી અમે વર્લ્ડ ચેમ્પિયનશિપમાં માત્ર એક જ બ્રોન્ઝ મેડલ જીત્યો હતો અને હવે નીરજે સિલ્વર મેડલ જીત્યો છે. અમને તેના પર ગર્વ છે."
કારકિર્દી બનાવવા માટે સખત મહેનત
નીરજ ચોપરાની કારકિર્દીને ઘડવામાં મહત્વની ભૂમિકા ભજવનાર તેના કાકા ભીમ ચોપરાએ મીડિયાને જણાવ્યું હતું કે, "દરેક જણ ગર્વ અનુભવે છે. આ મેડલ ઓલિમ્પિક સ્તરનો છે, તેથી આ ખૂબ મોટી સિદ્ધિ છે." ભીમે કહ્યું કે, આખો દેશ ખુશ છે અને તેને નીરજની આ સિદ્ધિ પર ગર્વ છે. રમતવીરની માતા સરોજ સવારથી જ મીઠાઈ વહેંચવામાં અને મહેમાનોને આમંત્રિત કરવામાં વ્યસ્ત હતી. પ્રધાનમંત્રીએ કહ્યું હતું કે, "સમગ્ર દેશ અને સમગ્ર હરિયાણાને તેમના પર ગર્વ છે.