ગૌરવ / નીરજ ચોપડાએ ફરી રચ્યો ઇતિહાસ: પહેલીવાર કોઈ ભારતીય ખેલાડીએ જીત્યો આ ખિતાબ

• નીરજ ચોપરા ડાયમંડ લીગ ફાઇનલ જીતનાર પહેલા ભારતીય ખેલાડી 
• 88.44 મીટરના બેસ્ટ થ્રો સાથે ખિતાબ જીત્યો 
• 13 મહિનામાં નીરજે જીત્યો ચોથો ખિતાબ 

નીરજ ચોપરા ડાયમંડ લીગ ફાઇનલ જીતનાર પહેલા ભારતીય ખેલાડી 

ઓલમ્પિક ગોલ્ડ મેડલિસ્ટ નીરજ ચોપરાએ ડાયમંડ લીગ ફાઇનલ્સમાં ખિતાબ જીત્યો છે. જ્યુરીખમાં થયેલ ફાઇનલમાં નીરજ ચોપરાએ 88.44 મીટરના બેસ્ટ થ્રો સાથે આ ખિતાબ જીત્યો છે. 24 વર્ષના નીરજ ડાયમંડ લીગ ફાઇનલ જીતનાર પહેલા ભારતીય પણ બની ગયા છે. ફાઇનલમા ભારતીય એથલીટે ચેક ગણરાજ્યનાં ઓલમ્પિક રજત મેડલ વિજેતા યાકુબ વાડલેજ અને જર્મનીનાં જુલિયન વેબરને પછાડ્યા છે. વાડલેજ 86.94 મીટરના બેસ્ટ થ્રો સાથે બીજા અને જર્મનીનાં જુલિયન વેબર ત્રીજા નંબર પર છે. 

Golds,Silvers done, he gifts a 24-carat Diamond 💎 this time to the nation 🇮🇳🤩

Ladies & Gentlemen, salute the great #NeerajChopra for winning #DiamondLeague finals at #ZurichDL with 88.44m throw.

FIRST INDIAN🇮🇳 AGAIN🫵🏻#indianathletics 🔝

X-*88.44*💎-86.11-87.00-6T😀 pic.twitter.com/k96w2H3An3

— Athletics Federation of India (@afiindia) September 8, 2022

88.44 મીટરના બેસ્ટ થ્રો સાથે ખિતાબ જીત્યો 

હરિયાણામાં પાનીપત પાસે ખંડરા ગામના નિરજે 27 ઓગસ્ટનાં રોજ ડાયમંડ લીગનાં લૂસાને લીગનો ખિતાબ જીત્યો હતો. લૂસાને લીગને જીતીને ડાયમંડ લીગ ગ્રાન્ડ ફાઇનલમા તેમને જગ્યા બનાવી હતી. આ પહેલા પણ તેમણે વર્ષ 2017 અને 2018મા પણ ફાઇનલ માટે ક્વોલિફાય કર્યું હતું અને ક્રમશઃ 7 મા અને ચોથા સ્થાન પર રહ્યા હતા. 

જ્યુરીખમાં થયેલ ડાયમંડ લીગ ફાઇનલમાં નીરજની શરૂઆત સારી રહી ન હતી. દબાણમાં મુકાબલામા નિરજનો પહેલો થ્રો ફાઉલ રહ્યો. જોકે, ઇજા બાદ મેદાનમાં વાપસી કરનાર નીરજે બીજા જ પ્રયાસમાં પોતાના વિરોધીઓને પછાડ્યા. તેમણે બીજા પ્રયાસમાં 88.44 મીટર દૂર ભાલો ફેંક્યો. ત્રીજા પ્રયાસમાં 88 મીટર અને ચોથામાં 86.11 મીટર, પાંચમા પ્રયાસમાં 87 મીટર અને છઠ્ઠામા 83.60 મીટર દૂર ભાલો ફેંક્યો. 

India's javelin ace Neeraj Chopra finishes 1st in Diamond League 2022 final in Zurich with a massive throw of 88.44m in his second attempt.

(File photo) pic.twitter.com/ouNEFY4ypB

— ANI (@ANI) September 8, 2022

13 મહિનામાં નીરજે જીત્યો ચોથો ખિતાબ 
નીરજ ચોપરાએ ગત વર્ષે ટોક્યો ઓલમ્પિકમા ગોલ્ડ જીતીને ખળભળાટ મચાવ્યો હતો. અભિનવ બિન્દ્રા બાદ ઓલમ્પિકમા ગોલ્ડ જીતનાર બીજા ભારતીય તેઓ બન્યા હતા.  આ ઉપરાંત, એથલેટિક્સમા ગોલ્ડ જીતનાર નીરજ પહેલા ખેલાડી છે. આ વર્ષે નીરજે ત્રણ મોટા કારનામાં કર્યા છે. તેમણે અમેરિકાનાં યૂઝીનમા 24 જુલાઇનાં રોજ વર્લ્ડ એથલેટિક્સ ચેમ્પિયનશીપનાં ફાઇનલમા સિલ્વર મેડલ જીત્યો હતો. આ દરમિયાન નીરજ ઇજાગ્રસ્ત પણ થયા હતા અને તેમણે કોમનવેલ્થ ગેમ્સ 2022મા ભાગ લીધો ન હતો. ઇજાના એક મહિના બાદ તેમણે મેદાન પર વાપસી કરી હતી અને ઇતિહાસ રચ્યો. ડાયમંડ લીગનાં લૂસાને ચરણમા નીરજે પહેલા જ પ્રયાસમાં 89.08 મીટર દૂર ભાલો ફેંક્યો હતો. આ તેમના કરિયરનો ત્રીજો સર્વશ્રેષ્ઠ પ્રયાસ હતો. તેમણે લૂસાનેમાં ગોલ્ડ મેડલ જીત્યો હતો. હવે તેમણે ડાયમંડ લીગનાં ફાઇનલમા પણ ખિતાબ જીત્યો છે.