બોલીવૂડ અભિનેત્રીઓ હવે શોષણને લઇને ખુલીને બોલી રહી છે. ત્યારે નીના ગુપ્તાએ પણ પોતાના પર વિતેલી વ્યથા પોતાની ઓટોબાયોગ્રાફી 'સચ કહું તો'માં વર્ણવી છે.
નીના ગુપ્તાએ શૅર કર્યા અનુભવો
બાળપણમાં ડૉક્ટરે કર્યું શોષણ
દરજી સાથે પણ રહ્યો ખરાબ અનુભવ
નીના ગુપ્તાનું જીવન ઉતાર ચઢાવવાળું જ રહ્યું છે. નીનાની લાઇફ ખુલ્લી ચોપડી જેવું રહ્યું છે. તેણે પોતાની આત્મકથામાં ડૉક્ટર અને દરજીએ તેનું શોષણ કર્યું છે તે વાત પર પ્રકાશ પાડ્યો છે.
ડૉક્ટરે કર્યું શોષણ
નીના તે સમયે સ્કૂલમાં ભણતી હતી. તેણે પોતાની ઓટોબાયોગ્રાફીમાં લખ્યું છે કે, તે તેના ભાઇ સાથે ડૉક્ટર પાસે ગઇ હતી અને તેનો ભાઇ બહાર બેઠો હતો. ડૉક્ટર આંખની તપાસ કરી રહ્યો હતો પછી અચાનક તે બધી જગ્યાઓ ચૅક કરવા લાગ્યો જેનો આંખ સાથે કોઇ સંબંધ જ નહોતો. હું આ કિસ્સાથી ખુબ ડરી ગઇ અને મારી જાતથી જ નફરત થઇ ગઇ હતી. હું ઘરના એક ખુણામાં બેસીને રડ્યા કરતી હતી. કારણકે ઘરે કોઇને વાત કરવાની મારી હિંમત નહોતી થઇ. ડૉક્ટરે ઘણીવાર મારી સાથે આવું કર્યું છે.
દરજી સાથે પણ ખરાબ અનુભવ
એક દરજી સાથે પણ નીનાનો ખરાબ અનુભવ જોડાયેલો છે. તેમ છતાં તેણે તે જ દરજી પાસે જવું પડતું હતું કારણકે તેની પાસે બીજો કોઇ ઓપ્શન નહોતો. જો હું મારી માતાને કહેત કે મારે તે દરજી પાસે નથી જવું તો મારે તેને સમગ્ર હકીકત જણાવવી પડી હોત. આજે બાળક 3 વર્ષનું હોય ત્યારથી જ તેને ગુડ ટચ અને બેડ ટચ વિષે શીખવાડવામાં આવે છે અને અમને ટીનેજમાં પણ નહોતું શીખવાડવામાં આવતું.
કામમાં વ્યસ્ત છે નીના
વર્કફ્રન્ટની વાત કરવામાં આવે તો ફિલ્મ બધાઇ હો બાદ નીના ગુપ્તા સતત કામમાં વ્યસ્ત છે. તેણે હાલમાં જ અનુપમ ખેર સાથે શિવ શાસ્ત્રી બાલબોઆનું શૂટિંગ પતાવ્યું છે. સાથે જ અમિતાભ સાથે ફિલ્મ ગુડબાયમાં નજર આવશે. તે સિવાય વેબ સિરીઝ પંચાયત 2 અને મસાબા 2 પણ કરી રહી છે.