બધાઈ હો અને શુભ મંગલ સાવધાન જેવી ફિલ્મોમાં જબરદસ્ત એક્ટિંગથી પોતાનો જલવો દેખાડનાર એક્ટ્રેસ નીના ગુપ્તાએ એક વીડિયો દ્વારા પોતાની પર્સનલ લાઈફના કેટલાક કિસ્સા શેર કર્યા છે. સોશિયલ મીડિયા પર એક વીડિયોમાં પોતાનું દુઃખ જાહેર કર્યું છે. સાથે જ આ એક્ટ્રેસે પોતાના મિત્રો અને ફેન્સને પણ ચેતવણી આપી છે કે, ક્યારેય કોઈ મેરિડ વ્યક્તિ સાથે લગ્ન કરવા નહીં.
વીડિયોમાં નીના કહે છે કે, સાચું કહું તો, આ કેટલાક એવા ડાયલોગ્સ છે જે હું તમને જણાવવા માંગીશ. તેમે મને કહ્યું કે, એ તેની પત્નીને પસંદ કરતો નથી, આ વાત તેને ખબર નહોતી. હવે તમને એનાથી પ્રેમ થઈ ગયો. પરંતુ એ પરિણિત છે. તો તમે કહો છો કે આપ સેપરેટ કેમ નથી થઈ જતા, તો એ કહે છે કે, ના બાળકો છે..આ નહીં થઈ શકે. પછી આપણે આગળ શું થશે એની રાહ જોવા લાગીએ છીએ.
નીના આગળ કહે છે કે, આવામાં તમે આશાઓમાં ઘેરાઈ જાઓ છો. પછી તમે ક્યારેક-ક્યારેક તેને મળો છો અને કહો છો કે હોલિડે પર જવું છે. બહુ મોટી પ્રોબ્લેમ થાય છે કે, શું કહીને જવું. પછી તે જૂઠ્ઠું કહીને જાય છે અને પછી એ તમને નાઈટ સ્ટે કરવા પ્રેશરાઈઝ કરે છે.
નીના વધુમાં કહે છે, આખરે તમે આ વ્યક્તિ સાથે લગ્ન કરવા માંગો છો અને તમે એના પણ દબાણ કરો છો કે એ પોતાની પત્ની સાથે ડિવોર્સ લઈ લે. એ કહે છે થોડી રાહ જુઓ, આ બધું એટલું સરળ નથી. બેંક એકાઉન્ટ્સ છે, બહુ બધી બાબતો જોડાયેલી છે. તમે પરેશાન અને ફ્રસ્ટ્રેટ થવાનું શરૂ કરી દો છો. પછી તમને સમજાતું નથી કે શું કરવું. ઘણીવાર એવું પણ લાગે છે કે એ વ્યક્તિની વાઈફને ફોન કરીને જણાવી દઈએ કે, તેનો પતિ કેવો છે.
વીડિયોમાં આગળ નીના કહે છે કે, બધું એટલું કોમ્પ્લિકેટેડ થઈ જાય છે કે, આખરે એ વ્યક્તિ કહી દે છે કે, મારે આ બધી પ્રોબ્લેમ્સમાં પડવું નથી. આવું તમે ન કરતાં. ક્યારેય પરિણિત પુરૂષ સાથે લગ્ન કરતા. મૈં આ કામ કર્યું છે અને ઘણું સહન કર્યું છે. એટલે જ મારા મિત્રોને જણાવી રહી છું. આવું ન કરતા.