એક્ટ્રેસ નીના ગુપ્તાએ 60 વર્ષની ઉંમરમાં ફિલ્મ 'બધાઇ હો'માં એક એવી માતાનું કેરેક્ટર પ્લે કર્યુ જે 50 વર્ષની ઉંમરમાં પ્રેગ્નેન્ટ થઇ જાય છે. જોકે એક્ટ્રેસ પોતાની ફિલ્મ કરતા બોલ્ડ ફેશન અને સ્ટાઇલને કારણે વધારે ચર્ચામાં રહે છે.
જી હા, પોતાની બોલ્ડ ફેશન સ્ટાઇલ પર નીના ગુપ્તાનો અંદાજ એકદમ કૂલ છે. નીના ગુપ્તા સોશ્યલ મીડિયા પર પણ એકદમ એક્ટિવ છે અને પોતાની ગ્લેમરસ ફોટોઝ શૅર કરતા રહે છે. તાજેતરમાં જ નીના ગુપ્તાને એક ઇન્ટરવ્યૂમાં તેમની ફોટોઝને લઇને પૂછવામાં આવ્યુ કે, શું તેઓ યંગ એક્ટ્રેસને રોલ મેળવવા માટે આવા ફોટોઝ અપલોડ કરે છે?
જેનો જવાબ આપતા તેમણે કહ્યુ કે, ''મને યંગ રોલ તો નથી મળ્યા પરંતુ હું ખુશ છું કે મને ભગવાને સારુ શરીર આપ્યુ છે. હુ ફેશનને લઇને ખૂબ જ કોન્શિયસ રહુ છુ. મારી હોટ ફોટોઝ પર કમેન્ટ્સ પણ સારી આવે છે.''
નીના ગુપ્તાએ આગળ કહ્યુ કે, ''સોશ્યલ મીડિયા પર જ્યારે લોકો મારા વખાણ કરે છે ત્યારે હું એન્જોય કરું છુ. બહુ ઓછા લોકો છે જે મારા ફોટોઝ પર નેગેટિવ કમેન્ટ કરે છે.''ઉલ્લેખનીય છે કે, નીના ગુપ્તાની દિકરી મસાબા ગુપ્તા એક ફેશન ડિઝાઇનર છે. મસબા પોતાની માતા માટે પણ કપડા ડિઝાઇન કરે છે. નીના ગુપ્તા પોતાની સાડીથી લઇને વનપીસમાં સોશ્યલ મીડિયા પર શૅર કરેલી ફોટોઝને લઇને ચર્ચામાં રહે છે.