બુધવારે મોદી કેબિનેટની યોજાયેલી બેઠકમાં બે મોટા નિર્ણય લેવાયા છે. મોદી કેબિનેટે BHEL અને MMTC જેવી કરોડોનો નફો કરતી કંપનીઓને વેચવાની મંજૂરી આપી દીધી છે. નિલાચલ સ્ટીલમાં સરકાર પોતાની 100 ટકા ભાગીદારી વેચશે. સરકારે નિલાચલ સ્ટીલમાં છ કંપનીઓના શેયરોને વિનિવેશની મંજૂરી આપી દીધી છે.
નિલાચલ સ્ટીલમાં સરકાર પોતાની 100 ટકા ભાગીદારી વેચશે
સરકારે MMDR એક્ટમાં બદલાવ લાવવાનો નિર્ણય કર્યો છે
2018-19માં આ કંપનીની ગ્રોથ 126 ટકા રહી છે
આ છ કંપનીઓમાં એમએમટીસી ઉપરાંત એનએમડીસી, ભારત હેવી ઇલેક્ટ્રિકલ લિ. (BHEL), ઓડિશા માઇનિંગ કોર્પોરેશન, ઓડિશા ઇન્વેસ્ટમેન્ટ કોર્પોરેશન અને મેકૉન સામેલ છે. આ ઉપરાંત કેબિનેટે કોલ માઇનિંગમાં કમર્શિયલ માઇનિંગ માટે રસ્તો ખોલી દીધો છે. તેના માટે MMDR એક્ટમાં બદલાવ લાવવાનો નિર્ણય કર્યો છે, કેબિનેટે અધ્યાદેશને મંજૂરી આપી દીધી છે.
નિલાચલ સ્ટીલમાં પોતાની પૂર્ણ ભાગીદારી વેચશે સરકાર
કેબિનેટે નિલાચલ સ્ટીલ નિગમ લિમિટેડને વેચવાની મંજૂરી આપી છે. નિલાચલ સ્ટીલમાં સરકાર પોતાની 100 ટકા ભાગીદારી વેચશે. આ કંપનીની ખાસ વાત એ છે કે, નિલાચલ સ્ટીલમાં MMTCની ભાગીદારી 49.08 ટકા, NMDCની ભાગીદારી 10.10 ટકા, મેકૉન અને BHELની ભાગીદારી 0.68 ટકા છે. 2018-19માં આ કંપનીની ગ્રોથ 126 ટકા રહી છે. તેની ઉત્પાદન ક્ષમતા 1.1 મિલિયન ટન છે.
સરકારને લાગી રહ્યું છે કે, કંપની વેચવાથી સારી રકમ મેળવી શકાશે. તેના માટે એડવાઇઝરની નિમણૂકની પ્રક્રિયા પણ શરૂ કરી દેવાઇ છે.
કોલ સેક્ટર માટે કાયદામાં બદલાવને આપી મંજૂરી
સરકારે કોલ સેક્ટર (Coal Sector) માટે એક મોટો નિર્ણય લીધો છે. આ નિર્ણય મુજબ જેટલી પણ કોલ માઇનિંગ (Coal Mining)ની હરાજી કરવામાં આવશે, એ હરાજીમાં તે કંપનીઓ પણ ભાગ લઇ શકશે, જે સ્ટીલ સેક્ટર (Steel Sector) અને પાવર સેક્ટર (Power Sector) માં ન હોય અથવા માત્ર માઇનિંગ કરવાનું કામ કરતી હોય. કેબિનેટે કોલ માઇનિંગમાં કમર્શિયલ માઇનિંગ માટે રસ્તો ખોલી દીધો છે.
MMDR એક્ટમાં બદલાવ
તેના માટે સરકાર એમએમડીઆર એક્ટમાં બદલાવ કરશે. આ બદલાવ અધ્યાદેશ દ્વારા કરવામાં આવશે. તેનો અર્થ છે કે આજે કેબિનેટે જે નિર્ણય લીધો તેના મુજબ, દેશ સાંજે અથવા આવતીકાલ સુધીમાં આ અધ્યાદેશને રાષ્ટ્રપતિથી મંજૂરી મળશે અને 24 કલાકની અંદર આ તમામ બદલાવ લાગૂ થઇ જશે.