કામની વાત / લગ્ન માટે રૂપિયાની છે જરૂર? હવે સંબંધીઓ સાથે હાથ લાંબો નહીં કરવો પડે, આ રહ્યા બે ઓપ્શન

ભારતમાં લગ્નના પ્રસંગે ખૂબ ખર્ચ કરવામાં આવે છે. જેમાં અમુક ધાર્મિક વિધિ એક કરતા વધુ દિવસ સુધી ચાલે છે. જેમાં રાસગરબા, DJ, જમણવાર, દાગીના સહિતના ખર્ચમાં પૈસા ખૂબ વપરાય છે. પરંતુ ઘણા લોકો પાસે લગ્નનો ખર્ચ કરવા પુરતા પૈસા નથી હોતા. આથી સંબંધીઓ કે મિત્રો પાસેથી ઉધાર પણ લેવા પડે છે. પણ તમે લગ્નના ખર્ચ માટે વેડિંગ લોન અને ક્રેડિટ કાર્ડનો ઉપયોગ કરી શકો છો.

• કયો વિકલ્પ બેસ્ટ?
  અનેક બેંકો તેમના કસ્ટમરને વેડિંગ લોન આપે છે. વેડિંગ લોન એક પ્રકારની પર્સનલ લોન હોય છે, જે પૈસાનો ઉપયોગ લગ્નમાં કરી શકાય છે. આ સિવાય ક્રેડિટ કાર્ડનો ઉપયોગ લગ્નના ખર્ચ માટે પણ કરી શકો છો. પણ ક્રેડિટ કાર્ડથી તમે અમુક મર્યાદામાં જ ખર્ચ કરી શકો છો. જો તમારે વધુ પૈસાની જરૂર હોય તો વેડિંગ લોન વધુ સારો વિકલ્પ બની શકે છે. જો થોડા પૈસાની જરૂર હોય તો તમે ક્રેડિટ કાર્ડનો ઉપયોગ કરી શકો છો.

વધુ વાંચો : લગ્નસરાની સિઝનમાં સોનાના ભાવમાં ફરી કડાકો, ચાંદી જૈસે થે, જાણો લેટેસ્ટ રેટ

• આ બાબતનું રાખો ધ્યાન

ક્રેડિટ કાર્ડની સરખામણીમાં વેડિંગ લોનમાં ઓછુ વ્યાજ દર હોય છે. વેડિંગ લોનમાં તમારે એક ફિક્સ EMI ચૂકવવાની હોય છે. તો ક્રેડિટ કાર્ડથી તમે તરત જ સરળતાથી કોઈપણ ખરીદી કરી શકો છો. જેમાં કોઈ ડોક્યુમેન્ટની જરૂર પણ નથી પડતી. તો વેડિંગ લોન લેવા માટે તમારે ઘણા પ્રકારના ડોક્યુમેન્ટની જરૂર પડે છે. તમે તમારી જરૂરિયાત મુજબ વેડિંગ લોન અને ક્રેડિટ કાર્ડ બંનેનો ઉપયોગ કરી શકો છો. પણ તે વાતનું ધ્યાન રાખવું કે, તમે ક્રેડિટ કાર્ડ બિલની ચુકવણી સમયસર નહીં કરો તો બેંક તમારી પાસેથી દંડ તરીકે ખૂબ વ્યાજ લે છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ