ડોકટરોએ 1 વર્ષના બાળકના ફેફસામાંથી ગળાના હારનો મણકો બહાર કાઢીને તેનો જીવ બચાવ્યો હતો.
રમતી વખતે બાળકોનું ધ્યાન રાખવું જરુરી
બાળકો ગળી જતા હોય છે અવનવી વસ્તુઓ
હવે 1 વર્ષનું ટેણિયું ગળી ગયું ગળાના હારનો મણકો
ડોક્ટરોએ મહામહેનતે મણકો ફેફસામાંથી બહાર કાઢ્યો
ઘરમાં નાના બાળકોનું ધ્યાન રાખવું ખૂબ જરુરી છે, રમતમાં ને રમતમાં બાળકો અવનવી વસ્તુઓ ગળી જતા હોય છે અને તેને કારણે તેમના જીવ પર જોખમ ઊભું થતું હોય છે, આવી સ્થિતિમાં દરેક માતાપિતાએ સાવધ રહેવાની જરુર છે.
કેરળના બિનશાદ અને ફાતિમા નામના એક દંપતીનું એક વર્ષનું બાળક છેલ્લા ઘણા સમયથી સતત ખાંસી ખાતું હતું, શરુઆતમાં તો તેમને બાળકની ખાંસી કુદરતી અને નોર્મલ લાગી હતી પરંતુ ઝાઝો સમય જવા પણ ખાંસી ન જતા તેમને શક પડ્યો હતો અને એક દિવસ તેઓ બાળકને લઈને દવાખાને પહોંચ્યાં હતા.
બાળકની અસધારણ ખાંસી જોઈને ડોક્ટરોએ કર્યો એક્સરે
અમૃતા હોસ્પટિલના ડોક્ટરોને પણ બાળકની ખાંસી થોડી વિચિત્ર અને અસધારણ લાગી હતી. આથી તેમણે બાળકનો એક્સરે પાડ્યો હતો અને એક્સરેમાં જે વસ્તુ જોવા મળી તે જોઈને ડોક્ટરો પણ નવાઈમાં મૂકાયા હતા. બાળકના ફેફસામાં ગળાના હારનો મણકો ફસાયેલો જોવા મળ્યો હતો આને કારણે ફેફસા બરાબર કામ કરી શકતા નહોતા અને તેથી બાળકને સતત ખાંસી આવતી હતી.
Doctors remove piece of necklace from lungs of one-year-old child in Kerala's Kochi
બાળકના ફેફસામાંથી બહાર કાઢ્યો ગળાના હારનો મણકો
બાળકના ફેફસામાં ફસાયેલા ગળાના હારના મણકાને બહાર કાઢવા માટે ડોક્ટરો પાસે ઓપરેશન કરવા સિવાય બીજો કોઈ માર્ગ બચ્યો નથી. આથી ચીફ ઇન્ટરવેન્શનલ પલ્મોનોલોજિસ્ટ ડૉ. ટિંકુ જોસેફની આગેવાની હેઠળની ડૉક્ટરોની એક ટુકડીએ કઠણ બ્રોન્કોસ્કોપી પ્રક્રિયા દ્વારા ડાબા ફેફસાના ઉપરના ભાગમાંથી અસરગ્રસ્ત નેકલેસ મણકાને સફળતાપૂર્વક દૂર કર્યો હતો. ડોક્ટરોની ટીમે 30 મિનિટના ઓપરેશનને અંતે ગળાના હારનો મણકો તેના ફેફસામાંથી બહાર કાઢીને તેનો જીવ બચાવ્યો હતો.
બાળક રમતાં રમતાં ગળી ગયું હતું હારનો મણકો
ઓપરેશન કરનાર ડોક્ટરોનું એવુ માનવું છે કે બાળક રમતાં રમતાં ગળાના હારનો મણકો ગળી ગયું હશે. જોકે માતાપિતાને આ વાતની કોઈ ખબર નહોતી. આ તો સારુ થયું કે ડોક્ટરોરએ તેને બહાર કાઢ્યો અન્યથા બાળકનો જીવ જઈ શકતો હતો.
માતાપિતા માટે ચેતવણીરુપ કિસ્સો
આ કિસ્સાએ માતાપિતા માટે લાલબત્તી ધરી છે. રમતાં રમતાં બાળકો ગમે તેવું ગળી જતા હોય છે આવી સ્થિતિને ટાળવા માટે માતાપિતાએ તેમનું ધ્યાન રાખવું જરુરી છે.