કોરોના સંકટ / ત્રીજી લહેરને લઈને દેશની આ જાણીતી સંસ્થાએ આપ્યું એલર્ટ, સરકારને તાબડતોડ આ મોટું કામ કરવા કહ્યું

• ISCCM દ્વારા ત્રીજી લહેર પર જરૂરી સલાહ આપવામાં આવી 
• સરકાર ક્રિટિકલ કેર યૂનિટના સ્થાપના કરે તેવી સલાહ
• ભારતીય તબીબો આગળ વધે તે માટે સંમેલન યોજાયું 

ઈન્ડિયન સોસાયટી ફોર ક્રિટિકલ કેયર મેડિસિન દ્વારા આજે કેન્દ્ર સરકારને ત્રીજી લહેરને લઈને જરૂરી સલાહ આપવામાં આવી છે. જેમા તેમણે કહ્યું કે ત્રીજી લહેરને લઈને સરકાર પ્રશિક્ષિત કર્મચારીઓ સાથે પૂરી તૈયારી રાખે. સાથેજ આઈએસસીસીએમએ સરકારને સલાહ આપી છે કે તેઓ પ્રશિક્ષિત કર્મચારીો સાથે ક્રિટિકલ કેયર યૂનિટની સ્થાપના કરે. 

બે દિવસનું શોધ સંમેલન 

પોતાના 28માં સ્થાપના દિવસે આઈએસસીસીએમએ ભવિષ્યમાં ભારતીય તબીબો સૌથી આગળ રહે તે માટે તેમણે બે દિવસિના શોધ સંમેલનનું આયોજન કર્યું છે. જેમા તેમણે ક્રિટિકલ કેર યુનીટ પર ભાર આપ્યો હતો જેથી દર્દીઓને ગંભીરમાં ગંભીર પરિસ્થિતીમાં પણ બચાવી શકાય. 

સંમેલનમાં 450 કરતા વધુ લોકો જોડાયા 

આ સંમેલનમાં 450 કરતા પણ વધુ લોકોએ ભાગ લીધો હતો. જેમા આઈએસસીસીએમના અધ્.ક્ષ દીપક ગોહેલે કહ્યું કે સંમેલનનો ઉદ્દેશ ક્રિટીકલ કેર મેડિસિન ક્ષેત્રનો વિકાસ કરવાનો અને તેનો પ્રચાર કરવાનો છે. જેથી અમારું પહેલુ કામ ક્રિટિકલ કેર મેડિસિનના બધાજ ડૉક્ટરોને નવા વિચારો માટે નવું મંચ પ્રદાન કરે છે. 

દેશમાં ક્રિટીકલ કેર તબીબોની અછત 

ઉલ્લેખનીય છે કે અધ્યક્ષ દીપક ગોહેલે એવું પણ કહ્યું હતું કે દેશમાં ક્રિટિકલ કેર વિશષજ્ઞો, તબીબો અને નર્સોનોની અછત છે. જેથી તેમણે આ સંમેલન યોજ્યું હતું. વધુમાં તેમણે કહ્યું કે ઈન્ડિયન ક્રિટિકલ કેર આંતરાષ્ટ્રીય માનકો પણ ખરુ ઉતરે છે. જે વાત અમે સાબિત કરીને બતાવીશું.