કાર્યવાહી / દ્વારકા નજીકથી કોસ્ટગાર્ડે 2 ટગ બોટ ઝડપી, ડ્રગ્સ હોવાની આશંકા

ઇરાનથી ઇન્ડોનેશિયા જતી બે ટગ બોટ કોસ્ટગાર્ડે ઝડપી પાડી છે. કોસ્ટગાર્ડે દ્વારકા નજીકથી બે ટગ બોટ ઝડપી છે જેમાંથી એક ટગ સમુદ્રમાં ડૂબી ગઇ જ્યારે અન્ય એક ટગને વેરાવળ કોસ્ટગાર્ડે ઝડપી કાર્યવાહી હાથ ધરી છે. ઝડપાયેલ એક ટગનું નામ શી-સેલ છે અને આ ટગને તપાસ માટે વેરાવળ લઇ જવામાં આવી છે અને ટગમાંથી ડ્રગ્સનો સામાન્ય જથ્થો મળ્યો હોવાનું અનુમાન છે. ત્યારે તપાસ બાદ ટગ અને ક્રુ-મેમ્બરો સામે કાર્યવાહી કરવામાં આવશે.

મળતી માહિતી અનુસાર ગત રાત્રીના સિંગાપોરથી ઈરાન જઈ રહેલુ 'સી શેલ' નામનુ જહાજ ભારતીય જળસીમામાં ઘુસી આવ્યુ હતું. આ જહાજની શંકાસ્પદ હીલચાલને કારણે ભારતીય કોસ્ટગાર્ડની ટીમે આ જહાજને ઝડપી પાડ્યું હતું. ત્યારબાદ કોસ્ટગાર્ડની ટીમો જહાજમાં રહેલા 7 ક્રુ મેમ્બરોની પૂછપરછ કરી રહી છે. 

મહત્વનું છે કે છેલ્લા થોડા સમયથી ભારતીય જળસીમામાં ડ્રગ્સની હેરાફેરીના બનાવો વધી રહ્યા છે અને કરોડો રૂપિયાનું ડ્રગ્સ ઝડપાયઈ રહ્યું છે. ત્યારે ફરી એક વખત શંકાસ્પદ હાલતમાં જહાજો મળી આવતા તપાસનો ધમધમાટ શરૂ થયો છે.