પાવર / અમેરિકા પાસેથી મળશે ભારતને એવી તાકાત કે દુશ્મન કાંપશે થરથર

ભારતને અમેરિકા પાસેથી એક એવી તાકાત મળવા જઈ રહી છે. જે દૂશ્મનોનો કાળ સાબિત થશે. દેશનો ચોકિદાર બનશે. નૌસેનાનો હથિયાર બનશે. નામ છે રોમિયો. ત્યારે કેવી હશે દરિયામાં રોમિયોની રડાર તે ખરેખર રસપ્રદ છે.

ભારતીય નૌસેનાને વધુ એક મજબૂત તાકાત રોમિયોના રૂપમાં મળવા જઈ રહી છે. જે દુશ્મનોને સમુદ્રની અંદર ખાક કરશે. દુશ્મનોને તેની ઔકાત બતાવશે. અમેરિકાએ ભારતને એમએચ-60 આર રોમિયો સીહોક હેલિકોપ્ટર વેચવાની મંજૂરી આપી છે. 
 

અમેરિકન વિદેશ મંત્રાલયના જણાવ્યા પ્રમાણે ભારતને આ હેલિકોપ્ટર રૂ. 16 હજાર કરોડમાં વેચશે. ભારતને અમેરિકા પાસેથી મળતું રોમિયો ભલભલા દુશ્મનને સમુદ્રની અંદક તેની ઔકાત બતાવશે.

ચિબૂક બાદ હવે રોમિયો ભારતીય નૌસેનાની તાકાતમાં બમણો વધારો કરશે. કેવાં છે રોમિયો હેલિકૉપ્ટર તે અંગે વાત કરવામાં આવે તો.. રોમિયો એમએચ-60 આરને દુનિયાનું સૌથી સારું મેરીટાઈમ હેલિકોપ્ટર માનવામાં આવે છે. 
 

હાલ તે અમેરિકન નેવીમાં એન્ટી સબમરીન અને એન્ટી સરફેસ વેપન તરીકે વપરાય છે. હાલના લડાકુ હેલિકોપ્ટરની સરખામણીએ આ હેલિકોપ્ટર સૌથી આધુનિક છે. તેને લડાકુ સબમરીન, ક્રુઝર્સ અને એરક્રાફ્ટ કરિયરથી ઓપરેટ કરી શકાય છે. 

એટલું જ નહીં પરંતુ સોમિયો હેલિકોપ્ટર દુશ્મનની સબમરીન નષ્ટ કરવા સિવાય જહાજોને હાંકી કાઢવા અને દરિયામાં સર્ચ અને બચાવ ઓપરેશનમાં પણ ખૂબ મદદગાર સાબીત થશે.ભારત અમેરિકા પાસેથી 24 એમએચ રોમિયો ખરીદવા જઈ રહ્યું છે. જેની તાકાતનો કોઈ તોડ નથી. આમ ચિબૂક બાદ વધુ એક તાકાત ભારતને મળી છે.. જે પાકિસ્તાનના ગાલ પર લપડાક સમાન છે.