VIDEO / રાષ્ટ્રપતિ ચૂંટણી માટે NDA તરફથી ઉમેદવાર બનાવ્યા બાદ દ્રૌપદી મુર્મૂએ મંદિરમાં સફાઈ કરી, વીડિયો વાયરલ

• ઝારખંડના પૂર્વ રાજ્યપાલને NDAએ બનાવ્યા રાષ્ટ્રપતિના ઉમેદવાર
• આદિવાસી મહિલા રાષ્ટ્રપતિના ઉમેદવાર તરીકે જાહેર થયાં
• દ્રૌપદી મુર્મૂએ મંદિરમાં સફાઈ કરી પૂજા અર્ચના કરી

ઝારખંડના પૂર્વ રાજ્યપાલ દ્રૌપદી મુર્મૂને રાષ્ટ્રપતિ પદના ઉમેદવાર તરીકે એનડીએ દ્વારા જાહેરાત થયા બાદ રાયરંગપુરના શિવ મંદિરમાં સફાઈ કરતા હોવાનો વીડિયો સામે આવ્યો છે. મંદિરની સફાઈ બાદ મુર્મૂએ અહીં પૂજા અર્ચના પણ કરી હતી. દ્રૌપદી મુર્મૂની મંદિર સફાઈ અને પૂજા અર્ચનાનો વીડિયો સોશિયલ મીડિયા પર વાયરલ થઈ રહ્યો છે. 

#WATCH ओडिशा: NDA की राष्ट्रपति उम्मीदवार द्रौपदी मुर्मू ने रायरंगपुर के शिव मंदिर में सफाई की और उसके बाद पूजा-अर्चना की। pic.twitter.com/QXo2EkT9Gd

— ANI_HindiNews (@AHindinews) June 22, 2022

આપને જણાવી દઈએ કે, મુર્મૂએ શિવ મંદિરમાં જ નહીં પણ સાથે સાથે ખ્યાતનામ જગન્નાથ મંદિરમાં પણ પૂજા અર્ચના કરી હતી. રાષ્ટ્રપતિ ચૂંટણી માટે NDAના ઉમેદવાર દ્રૌપદી મુર્મૂ બુધવારે જગન્નાથ મંદિર પહોંચ્યા હતા અને અહી તેમણે પૂજા અર્ચના પણ કરી હતી. 

રાષ્ટ્રપતિ પદ માટે એનડીએ તરફથી ઉમેદવાર બનાવતા દ્રૌપદી મુર્મૂએ જણાવ્યું હતું કે, હું આશ્ચર્યમાં છું, મને વિશ્વાસ નથી થઈ રહ્યો. હું આપ તમામની આભારી છું. મને વધારે બોલવાની ઈચ્છા નથી. સંવિધાનમાં રાષ્ટ્રપતિની જે શક્તિઓ હોય છે, તે અનુસાર હું કામ કરીશ.

ओडिशा: NDA की राष्ट्रपति पद की उम्मीदवार द्रौपदी मुर्मू ने रायरंगपुर के जगन्नाथ मंदिर में पूजा-अर्चना की । pic.twitter.com/jCRkTVp6CQ

— ANI_HindiNews (@AHindinews) June 22, 2022

કેન્દ્ર સરકારે આપી ઝેડ પ્લસ સિક્યોરિટી

કેન્દ્ર સરકારે એનડીએના રાષ્ટ્રપતિ ઉમેદવાર તરીકે દ્રૌપદી મુર્મૂને ઝેડ પ્લસ સિક્યોરિટી આપી છે. કેન્દ્ર સરકારે દ્રૌપદી મુર્મૂને સીઆરપીએફ કર્મીઓની ઝેડ પ્લસ સિક્યોરિટી કવર આપ્યું છે. ભારતી જનતા પાર્ટીએ મંગળવારે સંસદીય દળની બેઠક બાદ રાષ્ટ્રપતિની ચૂંટણી માટે એનડીએના ઉમેદવારની જાહેરાત કરી હતી. એનડીએના ઉમેદવાર દ્વૌપદી મુર્મૂનું જીતવું લગભગ નક્કી છે. જો તેઓ જીતી જાય છે તો દેશના પ્રથમ આદિવાસી મહિલા રાષ્ટ્રપતિ હોવાની સાથે સાથે 15માં રાષ્ટ્રપતિ તરીકે તેઓ શપથ લેશે.