લોકસભા ચૂંટણી પહેલાં જ ભાજપે મિશન-2022 પર કામ કરવાનું શરૂ કરી દીધું હતું. જ્યારે આખો વિપક્ષ ઈવીએમને મુદ્દો બનાવી કાગારોળ કરી રહ્યો હતો. ત્યારે ભાજપ તેની આગામી રણનીતિ ઘડવામાં વ્યસ્ત હતું.
મોદી સરકાર આવે તેવી પૂરેપૂરી ધારણા એગ્ઝિટ પોલ દ્વારા થઈ રહી છે ત્યારે તેનાં આગામી એજન્ડા કેવા હશે તે અંગે પણ તૈયારી ચાલુ થઈ ગઈ છે. મોદી અને અમિત શાહ દ્વારા NDAનાં સાથી દળો સાથે દિલ્હીમાં બેઠક યોજી આગામી રોડમેપ પણ તૈયાર કરી દેવાયો છે. જેમાં આગામી 2022નાં વર્ષ પર ખાસ ભાર આપી રોડમેપ તૈયાર કરાયો છે. શું છે NDAનો રોડમેપ જોઈએ આ રિપોર્ટમાં.
લોકસભા ચૂંટણી પહેલાં જ ભાજપે મિશન-2022 પર કામ કરવાનું શરૂ કરી દીધું હતું. જ્યારે આખો વિપક્ષ ઈવીએમને મુદ્દો બનાવી કાગારોળ કરી રહ્યો હતો. ત્યારે ભાજપ તેની આગામી રણનીતિ ઘડવામાં વ્યસ્ત હતું. પ્રધાનમંત્રી નરેન્દ્ર મોદી અને ભાજપનાં રાષ્ટ્રીય અધ્યક્ષ અમિત શાહ NDAનાં સાથી પક્ષોનો ભાજપનો 2022નો એજન્ડા સમજાવવામાં વ્યસ્ત હતાં. ડિનરનાં બહાને દિલ્લીની એશોકા હોટલમાં બોલાવવામાં આવેલી આ બેઠકમાં મોદી-શાહે સહયોગીઓને આગામી પાંચ વર્ષ કયા ટ્રેક પર ચાલવાનું છે તે સમજાવી રહ્યાં હતાં.
આમ પણ રણનીતિનાં મામલે વિપક્ષ કરતાં ભાજપ બે ડગલા આગળ ચાલવામાં જ માને છે. પરિણામ પહેલાં NDAનાં સાથી દળો સાથેની આ મહત્વની બેઠકમાં તમામ સભ્યો હાજર રહ્યાં હતાં અને મોદી-શાહને આગામી રોડમેપને સહર્ષ મહોર પણ મારી હતી.
હકીકતમાં 2022માં દેશની આઝાદીનાં 75 વર્ષ પૂર્ણ થઈ રહ્યાં છે. આથી ભાજપ તેની મહત્વકાંક્ષી યોજના આ વર્ષે પૂર્ણ કરવા માગે છે. 2022નું વર્ષ સરકારી સિદ્ધિઓથી ભાજપ યાદગાર બનાવવા માગે છે. આગામી સમયમાં ઈન્ફ્રાસ્ટ્રક્ચર સેક્ટરમાં 100 લાખ કરોડનું રોકાણ કરાશે. તો 25 લાખ કરોડ રૂપિયા ખેતી અને ગામડા માટે ખર્ચાશે. ભારતને દુનિયાનું સૌથી મોટું સ્ટાર્ટ-અપ-ઈકો સિસ્ટમ બનાવાશે. તો ભારત 5 ટ્રિલિયન ડોલરની અર્થવ્યવસ્થા બનવા તરફ આગેકુચ કરશે અને 2022 સુધીમાં ખેડૂતોની આવક પણ બમણી કરવા પર જોર અપાશે.
આમ, વિપક્ષ જ્યારે ઈવીએમ પર ઘમાસાણ મચાવી રહ્યો હતો ત્યારે ભાજપ અને તેનાં સાથીઓ આગામી રણનીતિ પર કામ કરી રહ્યાં હતાં. આમ મોદી સરકાર સત્તા પર આવે તે પહેલાં જ તેનો રોડમેપ તૈયાર થઈ ગયો છે.