BIG NEWS / ઐતિહાસિક: દેશની રક્ષા કાજે દીકરીઓમાં જુવાળ, NDA એક્ઝામ માટે 1.77 લાખ મહિલાઓની અરજી, પાસ કરી સેનામાં બનશે ઓફિસર

• રાષ્ટ્રની રક્ષા કરવા માટે મહિલાઓમાં જુવાળ 
• NDA એક્ઝામ માટે હજારો દીકરીઓ આગળ આવી 
• હવેથી સેનામાં મોટી ઓફિસર બની શકશે યુવતીઓ 

હજારોની સંખ્યામાં દેશની દીકરીઓ આગળ આવી 
દેશનની સેનામાં સૈન્ય ઓફિસર બનવા માટે થતી પરીક્ષા NDA માટે કુલ એક લાખ 77 હજાર મહિલાઓએ અરજી કરી છે. દેશના ઈતિહાસમાં પહેલીવાર મહિલાઓ NDA પરીક્ષા આપી રહી છે અને પહેલી જ વારમાં આટલી મોટી સંખ્યામાં મહિલાઓ દેશ સેવા માટે આગળ આવી છે. રક્ષા રાજ્યમંત્રી અજય ભટ્ટે આ જાણકારી સંસદમાં આપી છે. NDA માટે કુલ 5,75,856 અરજીઓ આવી જેમાંથી 1,77,654 અરજી મહિલાઓએ કરી છે. 

NDA પરીક્ષા પાસ થઈ જાય તો મળશે ટ્રેનિંગ 
નોંધનીય છે કે નેશનલ ડિફેન્સ અકેડેમી એટલે કે NDA માટે UPSC વર્ષમાં બે વાર પરીક્ષા લે છે. સુપ્રીમ કોર્ટના આદેશ બાદથી NDAમાં મહિલાઓ માટે દરવાજા ખૂલી ગયા છે અને પૂણેમાં NDA અકેડેમીમાં મહિલાઓ માટે ખાસ સુવિધાઓ સ્થાપિત કરવામાં આવી છે. 

ત્રણ વર્ષ અપાય છે તાલીમ 
NDA ની પરીક્ષા જે મહિલાઓ પાસ કરી શકશે તે ભારતની ત્રણેય પાંખની સેનામાં મોટા ઓફિસરની પદ પર જઈ શકશે. જોકે તે પહેલા NDA માં જ ત્રણ વર્ષની કડક ટ્રેનિંગ આપવામાં આઅવીછે. એક વર્ષની ટ્રેનિંગ બાદ તેમની પાસે ત્રણ વિકલ્પ રહે છે, થલસેના, વાયુસેના અને નૌસેના. ત્રણેય સેનાની અલગ જગ્યાઓએ અકેડેમી છે અને તેમાં પછી બીજા બે વર્ષ ટ્રેનિંગ આપવામાં આવે છે. 

સુપ્રીમ કોર્ટે NDA નાં દરવાજા ખોલ્યા મહિલાઓ માટે 
નોંધનીય છે કે આ પહેલા પણ મહિલાઓ અધિકારી તરીકે સેનામાં સામેલ થતી હતી પરંતુ માત્ર શોર્ટ સર્વિસ કમિશન પર, બાદમાં મામલો સુપ્રીમ કોર્ટમાં ગયો અને ઐતિહાસિક ચુકાદો આપવામાં આવ્યો કે મહિલાઓને પણ પર્માનેન્ટ કમિશન આપવામાં આવે, સાથે સાથે NDA માં પણ મહિલાઓને સામેલ કરવામાં આવે.