ભારતીય ક્રિકેટ ટીમના કેપ્ટન અને દુનિયાના નંબર 1 બેટ્સમેન વિરાટ કોહલીનો સમગ્ર વિશ્વમાં પ્રખ્યાત છે. વિરાટ કોહલી નવા નવા રેકોર્ડ બનાવતો રહે છે. વિરાટના પાવરફુલ પરફૉર્મન્સનો જાદુ એવો ચાલ્યો કે તેની તુલના મોનાલિસા સાથે થવા લાગી છે.
વિરાટ કોહલીના ફેન બની ગયેલા ઓસ્ટ્રેલિયાની ટીમના પૂર્વ ઓલરાઉન્ડર ડીન જોન્સે હાલમાં જ એક ઈન્ટરવ્યૂમાં કહ્યું કે “કોહલીની ગેમમાં નબળાઇ શોધવી મોનાલિસા પેઈન્ટિંગમાં ભૂલ શોધવા સમાન છે.” ડીન જોન્સે ઓસ્ટ્રેલિયાની ટીમને સલાહ પણ આપી કે આ દિગ્ગજ ખેલાડીની સામે કેવી રીતે ટકી શકાય. ડીને કહ્યુ કે ''મેચ વખતે વિરાટ સાથે વાત ન કરો અને તેને ગુસ્સો ન અપાવો. વિરાટને મિત્ર બનાવી લો. ટીમે તેના કવર ડ્રાઈવને કંટ્રોલ કરવું જોઈએ અને અલગ અલગ પ્રકારે બોલિંગ કરવી.''
ડીન જોન્સે આગળ કહ્યું કે “વિરાટની શરૂઆતની ઈનિંગમાં ફાસ્ટ બોલર્સે ચોથા સ્ટંપની લાઈનમાં બોલિંગ કરવી જોઈએ અને તેને બેકફૂટ પર રમવા માટે મજબૂર કરવો જોઇએ. ઓફ સ્ટંપની બહાર રમવા માટે જગ્યા ન આપવી. શરૂઆતના બોલમાં તેને શોર્ટ બોલ નાખવા અને બહાર નીકળતા બોલથી હેરાન કરી શકાય.''
ટીમ ઇન્ડિયા અને ઓસ્ટ્રેલિયાની વચ્ચે 6 ડિસેમ્બરથી ચાર ટેસ્ટ મેચની સીરીઝની પ્રથમ મેચ રમાશે. જો ટીમ ઇન્ડિયા આ ગેમ જીતે છે. તો આ પહેલી તક હશે જ્યારે ઓસ્ટ્રેલિયાની ધરતી પર ભારતે સફળતાના ઝંડા લહેરાવ્યા હોય.