રાજકારણ / NCPના નેતાએ કર્યા ભરપેટ વખાણ: PM મોદી 20 કલાક કામ કરે છે, એમનામાં કંઈક તો ગુણ હશે, જે વિપક્ષ શોધી શકતું નથી

• એનસીપીના નેતાએ પીએમ મોદીના કર્યા વખાણ
• પીએમ મોદી 20 કલાક કામ કરે છે
• વિપક્ષને પણ આપી આવી શિખામણ

શરદ પવારની રાષ્ટ્રવાદી કોંગ્રેસ પાર્ટીના વરિષ્ઠ નેતા માજિદ મેમને વડાપ્રધાન મોદીના ખૂબ વખાણ કર્યા હતા. માજિદ મેમને ટ્વિટ કરીને કહ્યું કે, પીએમ મોદીમાં કંઈક તો ગુણ હશે, અથવા તો, સારા કામ કર્યા હશે, જેને વિપક્ષના નેતા શોધી શકતા નથી. ધ્યાન આપવા જેવી બાબત એ છે કે, માજિદની આ ટિપ્પણી એવા સમયે આવી છે, જ્યારે તેમની પાર્ટીના નેતા અને મહારાષ્ટ્ર સરકારના મંત્રી નવાબ મલિકની ધરપકડને લઈને તથા મહારાષ્ટ્રની અઘાડી સરકાર ભાજપ પર આકરાં પ્રહારો કરી રહી છે.

We're pointing out that despite violating constitution, creating hatred among people & dividing society, how does he win. Initially, Oppn was saying that there is manipulation in EVM, so he is winning. But now that ground does not survive: NCP's Majeed Memon his tweet on PM Modi pic.twitter.com/5ku8dFWFTu

— ANI (@ANI) March 28, 2022

રોજના 20 કલાક કામ કરે છે મોદી

પોતાના ટ્વિટ પર પ્રતિક્રિયા આપતા માજિદ મેમને કહ્યું કે, આપણે એ વાતને પોઈન્ટ આઉટ કરીએ છીએ કે, સંવિધાનનું ઉલ્લંઘન, લોકોમાં નફરત ફેલાવવી અને સમાજને વહેંચવા ઉપરાંત તેઓ કેવી રીતે જીતી જાય છે. શરૂઆતમાં વિપક્ષ કરી રહ્યું હતું કે, ઈવીએમમાં હેરાફેરી કરે છે, એટલા માટે જીતી જાય છે. પણ હવે તે મેદાન પણ બચ્યું નથી.  2019માં વિપક્ષના તમામ પ્રયત્નો છતાં પણ તેમને સરકારમાંથી હટાવી શક્યા નહીં. હું સરાહના કરૂ છું કે, તેમની પાસે એક સારા ભાષણની કળા છે. તે રોજના 20 કલાક કામ કરે છે. નરેન્દ્ર મોદીના આ અસાધરણ ગુણ છે, જેમની ટિકા કરવાની જગ્યાએ મારે વખાણ કરવા જોઈએ.

વિપક્ષને આપી શિખામણ

એનસીપી નેતાએ આગળ કહ્યું કે, મેં જે કહ્યું તેના વિશે વિપક્ષે સંશોધન કરવાની જરૂર છે. કંઈક આત્મનિરીક્ષણ કરવાની જરૂર છે કે, એવી કઈ વસ્તુ છે, જે નરેન્દ્ર મોદી ન ફક્ત ભારતમાં પણ બહાર પણ સ્વિકાર્ય નેતા બની રહ્યા છે. મેમનની આ ટિપ્પણીને રાજનીતિ સાથે જોડીને પણ જોવામાં આવી રહી છે. અને લાગી રહ્યું છે કે, કદાચ મેમન પાર્ટી બદલવાની તૈયારી કરી રહ્યા છે.

આપને જણાવી દઈએ કે, ગેંગસ્ટર દાઉદ ઈબ્રાહિમની સાથે કથિત સંબંધોને લઈને મહારાષ્ટ્રના મંત્રી નવાબ મલિકના રાજીનામાની માગને લઈને ભારતીય જનતા પાર્ટી સતત એનસીપી અને ઉદ્ધવ ઠાકરે પર હુમલા કરી રહી છે. એનસીપીની નેતા મલિકને કથિત રીતે દાઉદ ઈબ્રાહિમ સાથે મની લોન્ડ્રીંગને લઈને એક કેસમાં આ મહિનાની શરૂઆતમાં ધરપકડ કરવામાં આવી છે.