દેશના મોટા નેતા હાલ લોકસભા ચૂંટણીના પ્રચારમાં વ્યસ્ત છે અને પાંચમાં તબક્કા માટે 6 મે ના રોજ મતદાન છે. પરંતુ આવચ્ચે અમેઠીમાં ચૂંટણી પ્રચાર કરવા પહોંચેલી કોંગ્રેસની મહાસચિવ પ્રિયંકા ગાંધી વાડ્રાનો એક વીડિયો સોશિયલ મીડિયા પર વાયરલ થઇ રહ્યો છે. જેમાં એ કેટલાક બાળકો સાથે જોવા મળી રહી છે.
પ્રિયંકા ગાંધી અમેઠીમાં ચૂંટણી પ્રચાર દમરિયાન કેટલાક બાળકો સાથે નજરે પડ્યા હતા. ત્યારે પ્રિયંકા ગાંધી સામે જ બાળકોએ પીએમ મોદી પર નારેબાજી કરી હતી. આ વીડિયો સોશિયલ મીડિયામાં પણ ખૂબ વાયરલ થયો છે. ત્યારે હવે બાળ સંરક્ષણ પંચે આ મામલે ચૂંટણી પંચમાં ફરિયાદ દાખલ કરી છે.
કેન્દ્રીય મંત્રી સ્મૃતિ ઈરાનીએ પણ આ વીડિયો શેર કરીને વાંધો વ્યક્ત કર્યો હતો. સ્મૃતિ ઈરાનીએ વીડિયો ટ્વીટર પર શેર કર્યો હતો અને કહ્યું હતુ કે, જરા વિચારો એક પ્રધાનમંત્રીને કેટલું સહન કરવું પડે છે ? આ વીડિયોમાં પ્રિયંકા ગાંધી સાથેના કેટલાક બાળકો પીએમ મોદી વિરૂદ્ધ નારેબાજી કરતા નજેરે પડી રહ્યા છે. ત્યારે રાષ્ટ્રીય બાળ સંરક્ષણ પંચે ચૂંટણી પ્રચારમાં બાળકોના ઉપયોગને લઈને વાંધો વ્યક્ત કર્યો અને ચૂંટણી પંચમાં ફરિયાદ પણ કરી.
બાળ સંરક્ષણ પંચે ચૂંટણી પંચને કહ્યું કે, બાળકોને ચૂંટણી પ્રચારમાં સામેલ ના કરવા જોઈએ. મુંબઈ હાઈકોર્ટે પણ ચોથી ઓગસ્ટ 2014ના રોજ પોતાના આદેશમાં ચૂંટણી પંચને કહ્યું હતુ કે, બાળકોને ચૂંટણી પ્રચારમાં સામેલ કરવામાં આવે નહીં. હાઈકોર્ટે આ આદેશને તમામ રાજકીય પાર્ટીને નિર્દેશ કરવા માટે ચૂંટણી પંચને પણ કહ્યું હતુ.
When kids in their excitement make distasteful remarks against PM Narendra Modi.@priyankagandhi ji discourages them against raising such slogans and says "Ache Bachhe Bano"! pic.twitter.com/yNghJwJm91