ચૂંટણી / કાંધલ જાડેજાએ મતદાન કરીને કહ્યું પક્ષના આદેશ અનુસાર વોટ કર્યો છે, જો વ્હીપનો અનાદર કર્યો હશે તો...

રાજ્યસભાની ચૂંટણીમાં મતદાન કર્યા બાદ નિવેદન આપતાં કાંધલ જાડેજાએ જણાવ્યું હતું કે તેઓએ પક્ષના કહેવા મુજબ રાજ્યસભાની ચૂંટણી માટે મતદાન કર્યું છે. મત કોને આપ્યો તે કહીશ તો ગુપ્ત મતાનનો મતલબ નહીં રહે. 

જો કે સૂત્રોના જણાવ્યા અનુસાર NCP નેતા કાંધલ જાડેજાએ રાજ્યસભાની ચૂંટણીમાં ભાજપને મત આપ્યો હોવાના અહેવાલ મળી રહ્યાં છે. જો કે પક્ષના વ્હીપનો અનાદર કરી ભાજપને મત આપ્યો હોય તો તેના પર શું એકશન લઇ શકાય તેને લઇને અટકળો તેજ બની ગઇ છે. 
 

NCPના કાંધલ જાડેજાએ કહ્યું મેં પક્ષે જે વ્હીપ આપ્યો છે તે અનુસાર જ વોટ આપ્યો છે. સમય આવશે એટલે પરિણામ ખ્યાલ આવી જશે. જો કે સૂત્રો એવું કહે છે કે જાડેજાએ ભાજપને મત આપ્યો છે.#RajyaSabhaElections2020 #rajyasabhapolls #kandhaljadeja @BJP4Gujarat @Incgujrat pic.twitter.com/7FlZJmpdi0

— VTV Gujarati News and Beyond (@VtvGujarati) June 19, 2020

NCPના ધારાસભ્ય કાંધલ જાડેજાના મતદાન અંગે રાજકારણ ગરમાયું

NCP ના ધારાસભ્ય કાંધલ જાડેજાના રાજ્યસભાની ચૂંટણીમાં કરેલા મતદાનને લઇને રાજકારણ ગરમાયું છે. કાંધલ જાડેજાએ વ્હીપનો અનાદર કરીને ભાજપને મત આપ્યો હોવાની ચર્ચાએ જોર પકડ્યું છે. ઉલ્લેખનીય છે કે NCPએ ધારાસભ્યને કોંગ્રેસને મત આપવાનો વ્હીપ જારી કર્યો હતો. 

કાંધલ જાડેજાની સામે પક્ષ નથી લઈ શકતું સીધી રીતે પગલા

જો કે વિશ્લેષકોના મત મુજબ જો કાંધલ જાડેજાએ વ્હીપનો અનાદર કરીને ભાજપને મત આપ્યો હોય તો પણ પક્ષ કાંધલ જાડેજા સામે સીધી રીતે પગલા ન લઇ શકે. કાંધલના ક્રોસ વોટિંગ બાદ પણ પક્ષ તરફથી તેના પર કોઇ એકશન લઇ શકાય તેમ નથી. જો કાંધલ સામે પગલા લેવાય તો કોર્ટમાં પડકારી શકાય તેમ છે. NCP ના ઉમેદવાર રાજ્યસભાની ચૂંટણી લડ્યા ન હોવાથી કોઇ પગલા લઇ શકાય નહીં. 

વ્હીપના અનાદર બાદ કાંધલ જાડેજાનું શું થશે?

• NCPએ કોંગ્રેસના ઉમેદવારને મત આપવા વ્હિપ આપ્યો હતો
• NCPના ઉમેદવાર રાજ્યસભાની ચૂંટણીમાં નથી
• જો NCPના ઉમેદવાર ન હોય તો કાંધલ પાસે છટકબારી
• કાંધલની સામે NCP સીધી રીતે પગલા ન લઈ શકે
• કાંધલનો ક્રોસ વોટ છતાં કાંધલનું કઈ નહીં થઈ શકે
• જો કાંધલ સામે પગલા લેવાય તો કોર્ટમાં પડકારી શકાય
• કાંધલ પાસે કોર્ટનો રસ્તો ખુલ્લો પડ્યો છે
• કાંધલ ગુજરાતના NCPના એક માત્ર ઉમેદવાર
• એક ઉમેદવારના નાતે પક્ષ પલટો પણ ગણી શકાય