મહારાષ્ટ્રમાં સરકાર રચવાને લઇને ભાજપ અને શિવસેના તરફથી તમામ પ્રયત્ન કરવામાં આવી રહ્યાં છે. જ્યારે બીજી તરફ સૂત્રોને મળતી જાણકારી મુજબ રાષ્ટ્રવાદી કોંગ્રેસ પાર્ટી (NCP) અને શિવસેના સાથે મળીને સરકાર બનાવી શકે છે અને કોંગ્રેસ બહારથી સમર્થન આપી શકે છે.
મહારાષ્ટ્રમાં શિવસેના-NCP સરકાર બનાવે તેવી શક્યતા
કોંગ્રેસ ગઠબંધન સરકારને બહારથી આપી શકે છે સમર્થન
શિવસેનાનો CM અને NCPનો Dy. CM ની ફોર્મ્યુલા
NCP નેતાનું સરકાર બનાવવાને લઇને નિવેદન
એક મળતાં અહેવાલ મુજબ NCPના એક નેતાના જણાવ્યાં અનુસાર એનસીપી શિવસેના સાથે મળીને સરકાર બનાવા તૈયાર છે, જ્યારે કોંગ્રેસ આ ગઠબંધન સરકારને બહારથી સમર્થન આપી શકે છે. કોંગ્રેસના ધારાસભ્યને વિધાનસભા અધ્યક્ષનું પદ આપવામાં આવી શકે છે. NCP નેતાએ કહ્યું આ બધુ શિવસેનાનું ભાજપ સાથેનું ગઠબંધન સમાપ્ત કરવા પર નિર્ભર છે.
શિવસેનાનો મુખ્યમંત્રી અને NCPનો ઉપ-મુખ્યમંત્રી ફોર્મ્યુલા
NCP નેતાએ કહ્યું કે અમે 1995માં ભાજપ-શિવસેના દ્વારા અપનવામાં આવેલા ફોર્મ્યુલાને મંજૂરી આપી છે. જેમાં શિવસેનાનું CM પદ હતું, જ્યારે ભાજપને ઉપ-મુખ્યમંત્રી પદ આપવામાં આવ્યું હતું. અમે જણાવ્યું છે કે શિવસેના તરફથી નામાંકિત વ્યક્તિને મુખ્યમંત્રી પદ સોંપવામાં આવે અને NCPમાંથા નામાંકિત વ્યક્તિને ઉપ-મુખ્યમંત્રી પદ આપવામાં આવે.
ભવિષ્ય અંગે નથી જાણતાં, ક્યારે શું થઇ શકે છે?: શરદ પવાર
સોનિયા ગાંધી સાથેની મુલાકાત બાદ શરદ પવારે સોમવારે જણાવ્યું હતું કે ભાજપ ઇચ્છે છે કે તેઓ પોતાના સહયોગી શિવસેના સાથે મળીને સરકાર બનાવે કારણ કે તેમની પાસ સરકાર બનાવા માટે બહુમતિ છે. જ્યારે NCP પ્રમુખે કહ્યું કે અમે જાણીએ છીએ કે જનતાએ અમને વિપક્ષમાં બેસવા માટે જનાદેશ આપ્યો છે. પરંતુ ભવિષ્ય અંગે નથી જાણતાં ક્યારે શું થઇ શકે છે?
Maharashtra: A poster with a picture of Shiv Sena leader Aditya Thackeray, with 'My MLA My Chief Minister' written on it, put up outside Matoshree (Thackeray residence), in Mumbai. The poster has been allegedly put up by Shiv Sena corporator Haji Halim Khan. pic.twitter.com/wYjdMsZOKL
જ્યારે બીજી તરફ શિવસેના નેતા આદિત્ય ઠાકરેના સમર્થનમાં પોસ્ટર લાગવાના શરૂ થઇ ગયા છે. આદિત્ય ઠાકરેના ફોટોવાળા એક પોસ્ટરમાં લખ્યું છે, 'My MLA MY Chief Minister' મતલબ કે 'મારો ધારાસભ્ય મારો મુખ્યમંત્રી'. મુંબઇમાં માતોશ્રી (ઠાકરે નિવાસ)ની બહાર આ પોસ્ટર લગાવામાં આવ્યું છે.
સદનમાં કોણે કેટલી બેઠક જીત્યું છે
ભારતીય જનતા પાર્ટી મહારાષ્ટ્ર વિધાનસભા ચૂંટણીમાં 105 બેઠક, શિવસેના 56, NCP 54 અને કોંગ્રેસને 44 બેઠક પર જીત મળી છે.