બોલીવૂડ એક્ટ્રેસ અનન્યા પાંડેના ઘરે ગુરુવારે NCBએ દરોડા પાડ્યા હતા અને હવે શાહરૂખ ખાનના ઘરે પણ NCBની ટીમ પેપરવર્ક માટે પહોંચી હતી.
અનન્યા પાંડેના ઘરે NCBના દરોડા
આર્યન ખાન કેસ સાથે છે કોઇ કનેક્શન?
વૉટ્સઍપ ચૅટમાં અનન્યાનું નામ આવ્યું સામે?
શાહરૂખના ઘરે NCBની ટીમ
શાહરૂખ ખાનના ઘરે NCBના અધિકારીઓ પહોંચ્યા હતા. NCBની ટીમ પહોંચી તો લોકોને લાગ્યું કે મન્નતમાં પણ સર્ચ ઓપરેશન ચલાવવામાં આવી રહ્યું છે પરંતુ સમીર વાનખેડેએ કહ્યું કે તેઓ આર્યનને લગતાં પેપરવર્કને લઇને મન્નત પહોંચ્યા છે.
મહત્વનું છે કે આર્યન ખાનની વૉટ્સઍપ ચૅટમાં જાણીતી અભિનેત્રી સાથે ડ્રગ્સને લઇને ચર્ચા સામે આવી હતી. તે બાદ જ અનન્યા પાંડેના ઘરે દરોડા પડ્યા છે. સુત્રો દ્વારા કહેવામાં આવી રહ્યું છે કે આર્યન ખાન અનન્યા પાંડે સાથે જ વાત કરી રહ્યો હતો. NCB ચૅટ્સ પરથી પોતાની આગળની તપાસ કરી રહી છે.
Mumbai | A team of Narcotics Control Bureau arrives at actor Shah Rukh Khan's residence 'Mannat' pic.twitter.com/W3h24x8fzs
ક્રુઝ પર હાજર હતી અનન્યા પાંડે?
કહેવામાં આવી રહ્યું છે કે અનન્યા પાંડે પણ ક્રુઝ પર હાજર હતી જ્યારે NCBએ રેવ પાર્ટીમાં રેડ પાડી હતી પરંતુ તેને જવા દેવામાં આવી હતી. હવે ચૅટ સામે આવ્યા બાદ NCBએ એક્ટ્રેસના ઘરે દરોડા પાડ્યા છે.
એક્ટ્રેસની 2 વાગે થશે પૂછપરછ
અનન્યા પાંડેના ઘરે દરોડા પડ્યાં બાદ તેને બપોરે 2 વાગે પૂછપરછ માટે NCB ઓફીસ બોલાવવામાં આવી છે. તમને જણાવી દઇએ કે અનન્યા પાંડે બોલીવૂડ એક્ટ્રેસ છે જેણે સ્ટુડન્ટ ઓફ ધ યરથી બોલીવૂડમાં ડેબ્યું કર્યું હતું અને એક્ટર ચંકી પાંડેની દીકરી છે.