કચ્છના મુન્દ્રામાં નારકોટીક્સ કંટ્રોલ બ્યુરો -દીલ્હી મોટી કાર્યવાહી હાથ ધરતા,મુન્દ્રા પોર્ટ પરથી અમેરિકી ગાંજો ( મેરી જુઆના ) ઝડપી લીધો છે. હરિયાણાનાં સોનીપત લઇ જવાનો હતો
કચ્છના મુન્દ્રામાં ઝડપાયો અમેરિકી ગાંજો
NCB દિલ્હીની ટીમે ઝડપી લીધા 90 પેકેટ્સ
કન્ટેનર પર માલ્ટા દેશનો ફ્લેગ, સોનીપતની ખેપ
કચ્છના બહુનામી મુન્દ્રામાં નારકોટીક્સ કંટ્રોલ બ્યુરો -દીલ્હી મોટી કાર્યવાહી હાથ ધરતા,મુન્દ્રા પોર્ટ પરથી અમેરિકી ગાંજો ( મેરી જુઆના ) ઝડપી લીધો છે. એક કારના ભંગારમાં છુપાવીને ડ્રગ્સના 90 જેટલા પેકેટ કન્ટેનરમાં લાવવામાં આવ્યા હતા. ડ્રગ્સ જે કન્ટેનરમાં આવ્યું હતું તેના પર માલ્ટા દેશનો ફ્લેગ લગાવાયો છે. હરિયાણાના સોનીપત માટે આ જથ્થો લઇ જવાતો હતો. મારી જુઆના બહુચ્રચિત ડ્રગ્સ છે જે મોંધુ હોવા સાથે મોટી-મોટી પાર્ટીઓમાં લેવાતું હોય છે.
કેન્દ્રીય એજન્સીઓની નજર હવે કચ્છના દરિયાઈ સીમારેખા પર છે.આ જ રસ્તે આતંકી ગતિવિધીઓથી માંડીને ડ્રગ્સની મોટી -મોટી ખેપ દરિયાઈ માગ્રે ભારતમાં ઘુસાડવામાં આવે છે. DRI,કસ્ટમ, અને ATS,પછી હવે NCBએ કચ્છના મુન્દ્રામાંથી ડ્રગ્સ ઝડપી લીધું છે. કહેવાય છે કે NCB દિલ્હીએ ગુજરાતમાં આવી લગભગ પહેલી જ વાર આટલી મોટી કાર્યવાહી કરી છે.
ભારતમાં ક્યારે ચર્ચામાં આવ્યું આ ડ્રગ્સ ?
વિશ્વના એક સમયના અપ્રતિમ ફૂટ બોલર આર્જેન્ટીના/ બાર્સેલોનાને વૈશ્વિક ખ્યાતિ અપાવનાર ડીએગો મેરેડોના પોતાની કેરિયરની ટોપ પર હતો ત્યારે 1991મા પહેલીવાર 15 મહિનાનો પ્રતિબંધ વેઠ્ઠી ચુક્યો હતો. 1994માં વર્લ્ડ કપ દરમિયાન મેરેડોનાએ ડ્રગ્સનું સેવન કર્યું હતું તેવું સામે આવતા ફરીવાર 15 મહિનાનો પ્રતિબંધ વેઠ્યો હતો. અમેરિકી ડ્રગ્સ મેરી જુઆનાના સેવન -દારૂના સેવન પાછળ તેની કેરિયરના 17 વર્ષ બરબાદ થઇ ગયા હતા. 1997માં તેમની ફૂટ બોલર તરીકેને વ્યાવસાયિક કારકિર્દીનો અંત આવી ગયો હતો
ગત ઓક્ટોબરમાં 21 હજાર કરોડનું હેરોઈન જપ્ત
દેશભરમાં હાહાકાર મચાવનાર મુન્દ્રાના 21 હજાર કરોડના ડ્રગ્સ કાંડ મામલે NIAની એક ટીમ કચ્છના મુન્દ્રા બંદર પર પહોચી છે. ત્રણ હજાર કિલો સફેદ પાઉડર અફઘાનિસ્તાનથી થઈને કચ્છના મુન્દ્રા બંદરે પહોચ્યો હતો. ચાર કન્ટેનર્સમાંથી સંદિગ્ધ એવા બે કન્ટેનર્સમાંથી મોટા પ્રમાણમાં કેફી પદાર્થ જણાતા દેશની તમામ એજન્સીઓ સતર્ક થઇ ગઈ હતી. હવે NIAની ટીમએ મુન્દ્રા પહોચીને છેલ્લા છ મહિનાઓના શંકાસ્પદ કન્સાઇન્મેન્ટની ચકાસણી શરુ કરી છે. આગામી દિવસોમાં ડ્રગ્સ કેસમાં મોટા ખુલાસાઓ થવાની સંભાવનાઓ છે.NIA ડ્રગ્સને લઈને આંતર રાષ્ટ્રીય કનેક્શનસની ગહનતા પૂર્વક તપાસ કરશે. 21 હજાર કરોડના ડ્રગ્સ કેસમાં આન્ધ્ર પ્રદેશના વિશાખાપટટનમ નાં એક દંપતી સહીત લગભગ 8 શખ્સોની ડ્રગ્સ કાંડમાં ધરપકડ થઇ ચુકી છે. NIA મુન્દ્રામાં ઉતારેલા ડ્રગ્સ અંગે દિલ્હી,મુંબઈ, આંધ્ર પ્રદેશ, સહીત કેટલાય રાજ્યોમાં તેના તાર શોધી રહી છે.
સુરક્ષા એજન્સીઓ થઇ હતી સતર્ક
ગુજરાતનાં તમામ બંદર હંમેશાં દાણચોરી તેમજ તસ્કરી મામલે વિવાદોમાં રહ્યાં છે પછી તે 1992માં થયેલા ગોસાબારા હથિયાર લેન્ડિંગ હોય કે પછી તાજેતરમાં મુન્દ્રા પોર્ટ પરથી પકડાયેલું 21 હજાર કરોડની કિંમતનું ત્રણ હજાર કિલો હેરોઇન કેમ ના હોય. દાણચોરી અને તસ્કરી મામલે ગુજરાતનાં બંદરો તસ્કરોનાં હોટ ફેવરિટ રહ્યાં છે. જોકે 21 હજાર કરોડનાં હેરોઇન બાદ હવે સુરક્ષા એજન્સીઓ સતર્ક થઇ ગઇ છે અને ગલ્ફ કન્ટ્રીથી માલ ભરીને ઇમ્પોર્ટ થતાં તમામ કન્ટેનરને બારીકાઇથી તપાસવામાં આવશે અને ત્યારબાદ તેને રિલીઝ કરવામાં આવશે.