ગુજરાતમાં ડ્રગ્સનો મોટો વેપાર ખોલવાની ફિરાકમાં મોટામાથોઓને નડી રહ્યા છે NCBના કર્મચારીઓ, નવસારીના વાપીમાંથી NCBને મોટી સફળતા હાથ લાગી
NCBની વાપીમાં મોટી કાર્યવાહી
4.5 કિલો એમ.ડી ડ્રગ્સનો જથ્થો ઝડપી લેવાયો
85 લાખની રોકડ સાથે 2 આરોપીની કરાઈ ધરપકડ
ગુજરાતમાં મેફેડ્રિંન ડ્રગ્સ મળવાની ઘટનાઓ જાણે સામાન્ય બની ગઈ છે. વાપીમાંથી NCBને મોટી સફળતા હાથ લાગી છે. 2 ટીમોને ખડેપગે રાખી મેફેડ્રિંન ડ્રગ્સની બનાવટથી માંડીને વેચાણ સુધીના તારો પકડી પાડયા છે. પ્રકાશ પટેલ અને સોનુ રામનિવાસને ઝબ્બે કરી વધુ તપાસ હાથ ધરવામાં આવી છે.
કાર્યવાહીમાં NCBના હાથે શું લાગ્યું?
વાપીમાંથી મેફેડ્રિંન ડ્રગ્સનો 4.5 કિલોનો જથ્થો મળ્યો છે. જેની કિમત 4 કરોડથી વધુ આંકવામાં આવી રહી છે. સાથે બે આરોપીઓની પણ ધરપકડ કરવામાં આવી છે. જેમની પાસેથી 85 લાખ રૂપિયાની રોકડ પણ મળી આવી છે મળેલા મુદ્દામાલનો કબજો લઈ વધુ તપાસ હાથ ધરાઇ છે. તેનું સેમ્પલીગ કરી લેબોરેટરીમાં મોકલવામાં આવ્યું છે. આગળની તપાસમાં હજુ વધુ ખુલાસા થવાની શકયાતાઓ સેવાઇ રહી છે.
દવાની ફેક્ટરીની આડમાં કરાતું હતું ઉત્પાદન
NCBએ બે ટીમોને આ માટે તૈયાર કરી હતી. બાદમાં દરેક પાસાને ચેક કરી દવા ફેક્ટરી પર દરોડા પાડવામાં આવ્યા હતા જેમાં સમગ્ર રેકેટનો પર્દાફાશ થયો હતો. ડ્રગ્સના ઝડપાયેલા કાળા કારોબારીઓ દવા ફેક્ટરીની આડમાં આ નસાનો ગોરખધંધો ચલાવતા હતા. દવાની ફેકટરીમાં ગેરકાયદેસર રીતે મેફેડ્રિંન ડ્રગ્સનું ઉત્પાદન કરવામાં આવતુ હતુ.સમગ્ર કેસમાં 2 આરોપી પ્રકાશ પટેલ અને સોનુ રામનિવાસની ધરપકડ કરી લેવાઈ છે. ડ્રગ્સ કેસના માસ્ટરમાઈન્ડ ગણાતા પ્રકાશ પટેલ એમ ડી ડ્રગ્સ બનાવતો હતો . જ્યારે તેની સાથે પકડાયેલ રામનિવાસ જુદી જુદી જગ્યાએ એમડી ડ્રગ્સ આપવા જતો હતો.
વાપી M.D ડ્રગ્સનું મુંબઈનું કનેક્શન
વાપીમાં NCBની આ મોટી કાર્યવાહી બાદ ધરપકડ થયેલા બંને આરોપીઓની સઘન તપાસ ચાલુ છે. વાપી M.D ડ્રગ્સનું મુંબઈ કનેક્શન સુધી તારની ભાળ મેળવાઈ છે. આગળની તપાસમાં મોટા ખુલાસા થઈ શકે છે જેમાં કોની આડમાં બંને આરોપીઓ ડ્રગ્સના ધંધાની કારોબારી કરી રહ્યા હતા. કોણ-કોણ તેમની પાસેથી ડ્રગ્સ લઈ જતું હતું. નાના ડ્રગ્સ ડિલરોથી માંડી મુંબઇના મોટા ડ્રગ્સ ડિલરો સુધી ડ્રગ્સની હેરાફેરી થતી હતી. આમ, ધરપકડ થયેલા બંને આરોપીઓ હજુ સમુદ્રની નાની માછલી હોવાનું દેખાઈ રહ્યું છે. આગળની તપાસમાં ડ્રગ્સના આ કાળા કારોબારની તમામ લીંકોનો પર્દાફાશ થશે. ત્યારે જ મોટી માછલી સુધી જઈ શકશે. વાપી MD ડ્રગ્સનું મુંબઈનું કનેક્શન તપાસમાં બહાર આવે તેવી શક્યતા છે. હાલ તો NCBની સૌથી મોટી કાર્યવાહીની ગુજરાતભરમાં ચર્ચા થઈ રહી છે. યુવાનોને નશાની લતે ચડાવનાર પર સંકજો કસાય તેવી માગ ઉઠી છે.
શું હતો સમગ્ર ઓપરેશનનો ઘટનાક્રમ?
છેલ્લા 10 દિવસથી NCBની ટીમ સર્ચ ઓપરેશનમાં લાગી હતી