નશાખોરી / NCBની હવેની કાર્યવાહીથી કરણ જોહરની મુશ્કેલી વધી શકે, જેટલા નામો સામે આવ્યા તે જાણીને બૉલીવુડ હચમચી ઉઠશે

• NCBએ ધર્મા પ્રોડક્શનના ડાયરેક્ટરને મોકલ્યુ સમન
• દીપિકા સહિત 50 લોકોને પઠવાયુ સમન 
• મનોરંજન જગતમાં NCBનો ફફડાટ યથાવત 

મળતી માહિતી અનુસાર ધર્મા પ્રોડક્શનના ડાયરેક્ટર ક્ષિતિજ પ્રસાદને પણ NCBએ સમન પાઠવ્યું છે. ક્ષિતિજ આજે નહી પરંતુ શુક્રવારે આવશે કારણકે તે હાલમાં દિલ્હીમાં છે. શુક્રવારે સવારે 11 વાગે તેમની પૂછપરછ શરૂ થશે. 

કોણ છે ક્ષિતિજ 

ક્ષિતિજ વર્ષ 2019થી કરણ જોહરના પ્રોડક્શન હાઉસ ધર્માના એક્ઝીક્યુટીવ પ્રોડ્યુસર છે. તેમણે એકતા કપૂરના પ્રોડક્શન હાઉસ બાલાજી સાથે પણ કામ કર્યુ છે. હાલમાં જ આવેલી ભૂમિ પેડનેકર અને કોંકણા સેન શર્માની ફિલ્મ ડોલી કિટ્ટી ઓર ચમકતે સિતારે તેમણે જ પ્રોડ્યુસ કરી છે. તેમને ઘણા દિવસથી શોધવામાં આવી રહ્યાં હતા પરંતુ તેમનો કોઇ જ અતો પતો ન હતો. બાદમાં જાણ થઇ કે તે દિલ્હીમાં છે અને હવે તેમને સમન પઠવાયુ છે. 

NCBની FIR 

15/20 કેસમાં સુશાંત અને ડ્રગના મામલામાં દીપિકા પાદુકોણ, સિમોન ખંભાટા અને રકુલ પ્રીતની પૂછપરછ કરવામાં આવશે. આ દરેકના નામ જયા સાહાએ જણાવ્યા હતા. જયાએ જ દીપિકાની મેનેજર કરિશ્મા પ્રકાશનું નામ પણ આપ્યું હતું,. 

16/20 કેસમાં શ્રદ્ધા કપૂર અને સારા અલી ખાન સામેલ છે. આ બંનેને પણ NCBએ સમન પાઠવ્યું છે. બંને અભિનેત્રીઓની પૂછપરછ કરવામાં આવશે. કહેવામાં આવી રહ્યું છે કે દીપિકા, સારા અને રકુલ સાથે મુંબઇના કોલાબા સ્થિત ગેસ્ટ હાઉસમાં પૂછપરછ કરવામાં આવશે. સાથે જ બોલિવૂડમાં થનાર પાર્ટીઓ વિશે પણ પૂછપરછ કરવામાં આવી રહી છે. જેમાં NCBના લિસ્ટમાં 50 બોલિવૂડ સેલેબ્સ છે. 

રકુલ પ્રિત નથી આપી રહી NCBને જવાબ 
તમને જણાવી દઇએ કે, સુશાંત સિંહ રાજપૂત કેસમાં એક્ટ્રેસ રકુલ પ્રિતનું નામ પણ સામે આવ્યું હતુ બાદમાં તેને સમન મોકલવામાં આવ્યું હતું. રકુલે કહ્યું છે કે તેને કોઇ પ્રકારનુ NCBનું સમન મળ્યુ નથી. સાથે જ રકુલે NCBના ફોનનો પણ કોઇ રિસપોન્સ આપ્યો નથી. મળતી માહિતી અનુસાર રકુલ હાલ હૈદરાબાદમાં છે.