IPLIN
 

બોલિવૂડ / NCBએ દીપિકા, સારા અને શ્રદ્ધાના મોબાઈલ ફોન કબજે કર્યા, હવે ફોરેન્સિક તપાસમાં મોકલાશે

Team VTV 02:49 PM, 27 Sep 20
Follow us
ncb seize phone of deepika sara rakul investigation drugs

શનિવારે એનસીબીએ દીપિકા પાદુકોણ, સારા અલી ખાન અને શ્રદ્ધા કપૂરની લાંબી પૂછપરછ કરી હતી. ત્રણેય અભિનેત્રીઓને ડ્રગ્સના કેસમાં ઘણાં સવાલો પૂછવામાં આવ્યા હતા. પરંતુ સમાચાર મુજબ ત્રણેય અભિનેત્રીઓએ એનસીબીના સવાલોના સીધા જવાબ આપ્યા નથી. હવે સમાચાર આવ્યા છે કે એનસીબીએ દીપિકા, સારા, રકુલ, કરિશ્મા, સિમોન ખંભાતા અને જયા શાહના મોબાઇલ ફોન કબજે કર્યા છે.

  • દીપિકા, સારા અને રકુલની પરેશાનીઓ વધશે
  • એનસીબીએ આ અભિનેત્રીઓના ફોન કર્યા કબજે 
  • હવે તેમના ચેટની થશે વધુ તપાસ

એનસીબી પાસેથી જાણવા મળ્યું હતું કે દીપિકા, સારા અને શ્રદ્ધાને ડ્રગ્સના કેસમાં ક્લિનચીટ આપવામાં આવી નથી, એવામાં હવે તેમના મોબાઈલ કબજે કરી લેવા દર્શાવે છે કે એનસીબી આ મામલે વધુ તપાસ કરવા માંગે છે. જે અભિનેત્રીઓને સમન્સ મોકલવામાં આવ્યું હતું તેમની વોટ્સએપ ચેટ આ કેસમાં ખૂબ જ મહત્વપૂર્ણ છે. એવામાં આ અભિનેત્રીઓના મોબાઈલને ફંફોડીને વધુ જાણકારી એકત્ર કરવાનો પ્રયાસ કરવામાં આવશે. 

કહેવામાં આવી રહ્યું છે કે પૂછપરછ દરમિયાન એનસીબીએ સારા અલી ખાન પાસેથી તેનો મોબાઈલ માંગ્યો હતો. સારાથી તેના 2017 અને 2018માં ઉપયોગ કરાયેલા ફોન પણ માંગવામાં આવ્યા હતા. પરંતુ સારા એ ફોન એનસીબીને આપી શકી નહીં. એવામાં એનસીબીએ સારાનો 2019 વાળો ફોન કબજે કરી લીધો છે અને ફોરેન્સિક તપાસમાં મોકલશે. ડ્રગ્સથી જોડાયેલા પુરાવા એકત્ર કરવા માટે એનસીબીની આ એક મોટી કાર્યવાહી છે. 

જ્યારે જયા શાહ અને કરિશ્માના મોબાઇલ ફોન કબજે કરવા પણ ખૂબ જ મહત્વપૂર્ણ છે. એક તરફ જયા શાહની શ્રદ્ધા સાથે વાયરલ ચેટ જોવા મળી હતી, તો બીજી તરફ દીપિકાએ કરિશ્મા પાસેથી ડ્રગ્સ માંગ્યું હતું. આવી સ્થિતિમાં, હવે એનસીબી આ મોબાઈલ દ્વારા તે માહિતીને શોધવાનો પ્રયાસ કરશે, જે કદાચ હજી સુધી બહાર આવી નથી. તે જ સમયે, સમાચાર એ પણ છે કે એનસીબીની નજર આ સમયે કેટલાક ડ્રગ્સ પેડલર્સ પર છે. એનસીબી હવે રીવર્ટ ઈન્વેસ્ટિગેશન પર ધ્યાન કેન્દ્રિત કરશે.

NCB seize phone deepika sara rakul investigation
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ