દિગ્ગજ ડિરેક્ટર રાજકુમાર કોહલીના પુત્ર અને બોલીવુડ અભિનેતા અરમાન કોહલીના મુંબઈ સ્થિત ઘર પરથી કથિત રીતે પ્રતિબંધિત નશીલા પદાર્થો મળ્યાં બાદ નાર્કોટિક્સ કંટ્રોલ બ્યુરો દ્વારા અરમાન કોહલીની પૂછપરછ કરવામાં આવી.
આ માહિતી કેન્દ્રીય એજન્સીના સુત્રોએ આપી છે. સવારે અરમાન કોહલીની ધરપકડ કરવામાં આવી. અરમાન કોહલીની સાથે માદક દ્રવ્યો વેચનાર અજય રાજુ સિંહની પણ ધરપકડ કરવામાં આવી છે. એનસીબીએ અંધેરીમાં કોહલીના ઘરે દરોડા પાડ્યા હતા. તેમના ઘર પરથી કોકીન ડ્રગ્સ મળી આવ્યું હતુ.
ઘર પરથી થોડા માદક પદાર્થો મળી આવ્યાં
એક અધિકારીએ કહ્યું કે, એનસીબીની એક ટીમે સાંજે કોહલીના ઘરે દરોડા પાડ્યા હતા અને ત્યારબાદ તેમને દક્ષિણ મુંબઈ સ્થિત એજન્સીના કાર્યાલય પર લઈ જવામાં આવ્યાં. કારણકે તેમના ઘર પરથી થોડા માદક પદાર્થો મળી આવ્યા હતા. તેમણે જણાવ્યું કે, એનસીબીના જોનલ નિર્દેશક સમીર વાનખેડે અને અન્ય અધિકારીઓ તેમની પૂછપરછ કરી રહ્યાં છે.
કોહલીએ 'પ્રેમ રતન ધન પાયો'માં કર્યો છે અભિનય
કોહલીએ અન્ય ફિલ્મો સિવાય સલમાન ખાન અભિનિત ફિલ્મ પ્રેમ રતન ધન પાયોમાં અભિનય કર્યો છે અને તેઓ ટેલિવિઝન રિયાલિટી શો બિગ બોસના પ્રતિયોગી પણ રહી ચૂકેલા છે. કોહલીની સામે કાર્યવાહીના પ્રથમ દિવસે અહીં કેન્દ્રીય ડ્રગ વિરોધી એજન્સી દ્વારા ટેલિવિઝન અભિનેતા ગૌરવ દીક્ષિતની ધરપકડ કરવામાં આવી છે.