બોલીવુડ અભિનેતા અરમાન કોહલીના મુંબઈ સ્થિત ઘરમાં એનસીબીએ દરોડા પાડ્યા છે અને પૂછપરછ માટે તેની અટકાયત કરાઈ છે.
બોલીવુડ અભિનેતાના ઘેર એનસીબીના દરોડા
અરમાન કોહલીના મુંબઈ સ્થિત ઘરમાં દરોડા
પૂછપરછ માટે તેની અટકાયત કરાઈ
મીડિયા રિપોર્ટ અનુસાર દરોડા દરમિયાન એનસીબીને અરમાન કોહલીના ઘેરથી ડ્રગ્સ મળ્યું છે જે પછી પૂછપરછ માટે તેની અટકાયત કરાઈ છે.
દરોડામાં અરમાન કોહલીના ઘરેથી ડ્રગ્સ મળ્યું
ANI ના ટ્વીટ મુજબ, અરમાનના ઘરે દરોડા પાડવામાં આવ્યા છે. એક અપડેટ આપતી વખતે, આગળ જણાવવામાં આવ્યું હતું કે દરોડામાં અરમાન કોહલીના ઘરેથી ડ્રગ્સ મળ્યું છે. જે બાદ હવે અભિનેતાની NCB ઓફિસમાં પૂછપરછ કરવામાં આવશે. એનસીબીના મુંબઈ ઝોનલ ડિરેક્ટર સમીર વાનખેડેએ જણાવ્યું હતું કે અરમાન કોહલીએ દરોડા બાદ એનસીબીના પ્રશ્નોનો યોગ્ય જવાબ આપ્યો ન હતો. ત્યારબાદ તેને પૂછપરછ માટે કસ્ટડીમાં લેવામાં આવ્યો છે.
અરમાનનો વિવાદો સાથે જૂનો સંબંધ છે
તમને જણાવી દઈએ કે અરમાનનો વિવાદો સાથે જૂનો સંબંધ છે. અગાઉ, એકવાર અરમાનને આબકારી વિભાગ દ્વારા ગેરકાયદેસર દારૂ રાખવા બદલ ધરપકડ કરવામાં આવી હતી. કહેવામાં આવ્યું હતું કે અરમાનના ઘરે મોંઘી સ્કોચની 41 બોટલ મળી આવી છે, જ્યારે નિયમો અનુસાર માત્ર 12 બોટલ જ ઘરમાં રાખી શકાય છે. આ સિવાય 2018 માં અરમાન પર લિવ-ઇન ગર્લફ્રેન્ડ પર હુમલો કરવાનો પણ આરોપ હતો. આ સાથે તેની સામે એક મહિલા ફેશન ડિઝાઈનર સાથે ગેરવર્તન કરવાનો કેસ નોંધવામાં આવ્યો હતો.