IPLIN
 

બોલિવૂડ / NCBએ રિયાને પૂછ્યા હતા આ 55 સવાલો, જેના જવાબ આપ્યા બાદ રિયાની કરાઈ ધરપકડ

Team VTV 06:43 PM, 15 Sep 20
Follow us
ncb Asked These 55 Questions To Rhea Chakraborty During Investigation

સુશાંત સિંહ રાજપૂત કેસમાં ડ્રગ્સ એંગલના ખુલાસાએ આ કેસને નવો વળાંક આપી દીધો છે. 8 સપ્ટેમ્બરે ડ્રગ્સ મામલે લગભગ 45 કલાક લાંબી પૂછપરછ બાદ નાર્કોટિક્સ બ્યુરોએ સુશાંતની ગર્લફ્રેન્ડ રિયા ચક્રવર્તીની ધરપકડ કરી હતી. કોર્ટે રિયાને 22 સપ્ટેમ્બર સુધી જ્યુડિશીયલ કસ્ટડીમાં મોકલી છે અને હવે તે મુંબઈની ભાયખલા જેલમાં બંધ છે. એનસીબીની રિમાન્ડ કોપી મુજબ રિયાએ કબૂલાત કરી કે તેણે સુશાંત માટે ડ્રગ્સ ખરીદ્યું હતું અને તેના માટે પેડલર્સ, શૌવિક ચક્રવર્તી અને સુશાંતના સ્ટાફને સૂચના આપી હતી. પરંતુ રિયાએ આ બધું કેવી રીતે કબૂલ્યું? એનસીબીએ રિયાને પૂછાયેલા 55 સવાલો સામે આવ્યા છે. જે 45 કલાકની પૂછપરછ દરમિયાન પૂછ્યા હતા.

  1. તમારા અને તમારા પરિવાર વિશે જણાવો?
  2. તમે આ મોબાઈલ નંબરનો ક્યારથી ઉપયોગ કરો છો?
  3. શું તમે ઝૈદ વિલાત્રાને જાણો છો? જો હાં, તો ડિટેલમાં જણાવો?
  4. શું તમે કૈઝાનને જાણો છો? જો હાં, તો ડિટેલમાં જણાવો?
  5. શું તમે અબ્દુલ બાસિત પરિહારને જાણો છો? ડિટેલમાં જણાવો?
  6. શું તમે સેમ્યુઅલ મિરાંડાને જાણો છો, જો હા, તો ડિટેલમાં જણાવો?
  7. શું તમે દીપેશ સાવંતને જાણો છો, ડિટેલમાં જણાવો?
  8. શૌવિક સાથેની તમારી અન્ડરસ્ટેન્ડિગ કેવી છે અને તમે તેની પર્સનલ લાઈફ વિશે કેટલું જાણો છો?
  9. શૌવિકની સુશાંતસિંહ રાજપૂત સાથે કોણે મુલાકાત કરાવી અને શા માટે?
  10. તમે, શૌવિક, તમારા પિતા અને સુશાંતે ડ્રગ્સનું સેવન કર્યું, તેના વિશે શું કહેવું છે?
  11. તમે સુશાંત સાથે પવાના ફાર્મહાઉસમાં કેટલીવાર ગયા અને ત્યાં ડ્રગ્સના સેવનને લઈને શું થતું હતું?
  12. ડ્રગ્સ કેવી રીતે આવતું હતું અને કોણ લાવતું હતું?
  13. તમે પહેલીવાર સેમ્યુઅલ મિરાંડાને ક્યારે જોયો અને પહેલી મુલાકાત ક્યારે થઈ?
  14. તમે સુશાંતના ઘર કેપરી હાઈટ્સમાં કેટલી વાર ગયા, અને શું તમે ક્યારેય ત્યાં ડ્રગ્સનું સેવન કરતા જોયા?
  15. મિરાંડાએ કહ્યું છે કે તમે સુશાંતના ઘરનો ખર્ચ જોતા હતા, તેની ડિટેલ આપો
  16. તમારા નિવેદન મુજબ સુશાંત ડ્રગ લેતો હતો તો તમે તેના માટે ડ્રગ્સ કેમ મંગાવ્યું?
  17. સુશાંત માટે ડ્રગ્સના પૈસા ક્યાંથી આવતા હતા, ઘણીવાર તમે પણ ડ્રગ્સ માટે પૈસા પણ આપ્યા, તેની ડિટેલ આપો અને તમારા કાર્ડની ડિટેલ પણ શેર કરો.
  18. તમે સુશાંતના કહેવાથી સેમ્યુઅલ મિરાંડાને કામ પરથી છૂટો કરી દીધો, કેમ?
  19. મિરાંડાનું કહેવું છે કે જ્યારે તેણે તમને કહ્યું કે સુશાંતનો કુક અશોક સસ્તી ક્વોલિટીનું ડ્ર્ગ્સ મોંઘા ભાવમાં ખરીદી રહ્યો છે, ત્યારે તમે સુશાંત સાથે વાત કરી હતી અને અશોકને કામ પરથી કાઢી મૂક્યો હતો. તે પછી તમે જ ડ્રગ્સ ખરીદવા અને આપવાના બધાં કામ જોયા.
  20. તમે શૌવિકને ગોવા, લદ્દાખ, દિલ્હી અને યુરોપની ટ્રીપ પર સુશાંત સાથે કેમ લઈ ગયા? શૌવિકે એક અઠવાડિયા પછી યુરોપ ટ્રીપ શા માટે જોઈન કરી અને એક અઠવાડિયા પહેલાં તે પરત કેમ આવી ગયો?
  21. શૌવિકના નિવેદન મુજબ તમે તેને ડ્રગ્સ ખરીદવાની સૂચના આપતા હતા, કેવી રીતે અને કેમ?
  22. હું તમને શૌવિક અને મિરાન્ડા વચ્ચે 15 માર્ચ 2020થી 17 માર્ચ 2020 સુધી કેટલીક વોટ્સએપ ચેટ્સ બતાવી રહ્યો છું. આ ચેટ કેમ થઈ અને તેની પાછળનો હેતુ શું છે?
  23. એક ચેટમાં તમે શૌવિકને કહ્યું કે, ડ્રગ્સની કિંમત જણાવ, કેમ?
  24. ડ્રગ્સ ખરીદવા માટે તમે મિરાંડાને તમારા ડેબિટ કાર્ડનો ઉપયોગ કરવાની મંજૂરી કેમ આપી?
  25. શું તમે ક્યારેય ડ્રગ્સ લીધું છે?
  26. તમારી ચેટ પરથી એવું લાગે છે કે તમે સુશાંત માટે ડ્રગ્સનો સ્ટોક મેનેજ કરી રહ્યા હતા, તેની વિગતો આપો.
  27. 17 માર્ચ 2020એ તમારા કહેવા પર મિરાંડાએ ઝૈદ પાસેથી બડ ખરીદી અને જ્યારે તે ઘરે લાવવામાં આવી ત્યારે તમે સુશાંત સાથે હતા અને સૂર્યદીપે તમારા અને સુશાંત માટે જોઈન્ટ બનાવ્યું, વિગતો આપો.
  28. તમારું બેંક એકાઉન્ટ નંબર આપો અને તમારી ઈન્કમ સોર્સ વિશે જણાવો.
  29. 16 માર્ચ 2020થી 17 માર્ચ 2020 સુધી તમારા અને શૌવિક વચ્ચે જે ચેટ થઈ તે વિશે જણાવો.
  30. સુશાંત કેટલીવાર ડ્રગ્સ લેતો હતો અને તમે ડ્રગ્સ પહોંચાડવા માટે કેટલીવાર તેની મદદ કરી?
  31. 17 માર્ચના 2020ના રોજ અબ્દુલ બાસિત અને શૌવિકે સુશાંત માટે હૈશ મગાવ્યું, મેં તમને તેની ચેટ્સ પણ બતાવી, આ વિશે વધુ વિગત આપો.
  32. 16 માર્ચ 2020 અને 17 માર્ચ 2020ની ચેટમાં તમે શૌવિકને સૂચના આપી કે સેમ્યુઅલ મિરાંડા અને દીપેશ સાથે ડ્રગ સ્ટોક જોઈ લે. ત્યારબાદ બાસિતના કોન્ટેક્ટ કૈઝાનથી ડ્રગ્સ લીધું. આ ડ્રગની ડિલીવરી તમારા કોન્ટેક્ટથી થઈ અને દીપેશ સાવંત તમારા કહેવા પર તે લેવા ગયો હતો. સુશાંત વીડ અને બડ્સ લેતો હતો તો તેના માચે  હૈશ મંગાવવા પાછળ ક્યાં કારણો હતા?
  33. આ ડ્રગ ડીલ માટે પૈસા કોણે આપ્યા અને તેનું પેમેન્ટ કેવી રીતે થયું, કાર્ડ-કેશ કે પછી UPIથી?
  34. બાસિત તમારા ઘરે ઘણીવાર આવ્યો, શું તમે ક્યારેય તેને બડ, વીડ અથવા હૈશનો સેવન કરતા જોયો?
  35. જ્યારે નવેમ્બરના છેલ્લા અઠવાડિયે સુશાંત તમારા ઘરે એક સપ્તાહ માટે રોકાયો હતો ત્યારે તમારા ઘરે કેટલીવાર ડ્રગ્સ આવ્યું અને તે કેવી રીતે મંગાવવામાં આવ્યું?
  36. યૂરોપ ટ્રીપથી પરત આવ્યા બાદ સુશાંત તમારા ઘરે કેમ રોકાયો અને ત્યારબાદ તેને વોટરસ્ટોન ક્લબ કેમ શિફ્ટ કરાયો? અને ત્યારબાદ તેને હિન્દુજા હોસ્પિટલ શિફ્ટ કરવામાં આવ્યો અને ત્યાંથી પરત તમારા ઘરે? શું સુશાંતના પરિવારને આ વિશે જાણ કરવામાં આવી હતી? કેમકે તમારા ઘરે કેટલીવાર ડ્રગ્સ પણ આવ્યું હતું.
  37. ઘણીવાર મિરાંડા સુશાંત માટે તમારા ઘરે ડ્રગ્સ લાવ્યો, તમે તમારા ઘરે આવું કેમ થવા દીધું?
  38. જ્યારે તમે સુશાંત સાથે સપ્ટેમ્બર 2019 અને નવેમ્બર 2019માં વોટરસ્ટોન ક્લબમાં રોકાયા હતા ત્યારે કરમજીતે મિરાંડાને ડ્રગ્સ આપ્યા હતા અને પછી તે તમને આપવામાં આવ્યા, તે સમજાવો.
  39. શું તે સાચું છે કે સુશાંત હંમેશાં પોતાની કારમાં ડ્રગ્સનું જોઈન્ટ રાખતો હતો અને તમે પણ તમારી સાથે ડ્રગ્સ જોઈન્ટ રાખતા હતા?
  40. શું તમે જયા સાહાને જાણો છો? તમારી કેટલીક ચેટ છે તેમની સાથે, જેમાં બડ્સ વિશે વાત છે.
  41. તમારી ઈમેલ આઈડી અને કોમર્શિયલ વેબસાઈટની શોપિંગના પાસવર્ડ આપો.
  42. તમારી પાસે કેટલા બેન્ક એકાઉન્ટ, ઈમેલ્સ, ડેબિટ અને ક્રેડિટ કાર્ડ છે?
  43. સુશાંત માટે તમે કેટલીવાર અથવા નિયમિત રીતે ડ્રગ્સની વ્યવસ્થા કરી હતી?
  44. તમે લોકો જ્યારે યુરોપથી પરત આવ્યા ત્યારે જે ગાડી એરપોર્ટ લેવા માટે આવી હતી તેમાં વીડના જોઈન્ટ્સ હતા અને ઘર જતી વખતે રસ્તામાં સુશાંતે સેવન કર્યું હતું. તે વિશે જણાવો.
  45. યુરોપ ટ્રીપ બાદ જ્યારે સુશાંત તમારા ઘરે હતો ત્યારે સેમ્યુઅલ મિરાંડા તમારા ઘરે આવતો હતો, કેમ?
  46. તમે તમારા ભાઈ શૌવિક સાથે મળીને ડ્રગ્સ પૂરૂં પાડવાનું કામ શરૂ કર્યું, જેથી તમને તેનો ફાયદો થઈ શકે?
  47. જ્યારે સુશાંત તમારા ઘરે હતો ત્યારં સૂર્યદીપ મલ્હોત્રા પણ તમારા ઘરે આવ્યો, કેમ?
  48. કેટલાંક પ્રસંગોમાં કરમજીતે મિરાંડાને બનાના લીફ રેસ્ટોરન્ટની નજીક બડ આપ્યા, તે તમારા એપાર્ટમેન્ટની સામે છે અને પછી મિરાંડાએ તે શૌવિકને આપ્યા. આ બધું તમારી જાણકારીમાં થયું અને તમે તમારા ભાઈને આ બધું કરવા દીધું, કેમ?
  49. દીપેશ સાવંતના નિવેદન મુજબ આ બધી ડ્રગ ડિલિવરી તમારી જાણકારીમાં થઈ છે.
  50. શું તમે સેમ્યુઅલ હાકોપિ, નીરજ સિંહને જાણો છો, આ લોકો સુશાંતના ઘરે શું કરતા હતા?
  51. શું તમે સિદ્ધાર્થ પિઠાણી, આયુષ શર્મા, આનંદી ધવન, રોહિણી અય્યર, શ્રુતિ મોદી, રજત મેવાતી, સાહિલ સાગર, કેશવ અને અશોકને જાણો છો?
  52. સુશાંત અને તેમના મિત્ર વીડ-હૈશ અને બડનું સેવન કરતા હતા, તે અંગે તમારું શું કહેવું છે?
  53. શું તમને સુશાંત તરફથી આપવામાં આવતી પાર્ટીઓ વિશે જાણ હતી જ્યાં ડ્રગ્સ લેવાતું હતું?
  54. શું તમે જાણો છો કે કોઈપણ પ્રકારનું ગેરકાયદેસર ડ્રગ્સ કાનૂની ગુનો છે?
  55. શું તમે તમારી ઈચ્છાથી કંઈક કહેવા માંગો છો?
NCB questions Rhea Chakraborty investigation
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ