જમ્મૂ-કાશ્મીરમાં ધારા 370 અને 35Aને હટાવી દીધા બાદ પ્રથમ વખતે સ્થાનિક એકમોની ચૂંટણી યોજાવા જઇ રહી છે. જો કે તેમાં સૌથી વધુ રસપ્રદ વાત એ છે કે આ ચૂંટણીમાં નેશનલ કોંગ્રેસ (NC) અને પીપલ્સ ડેમોક્રેટિક પાર્ટી (PDP)ના સ્થાનિક પ્રતિનિધિ ભાજપને સમર્થન આપવાનું મન બનાવી ચૂક્યાં છે.
NC અને PDPના પંચાયત સભ્ય ભાજપમાં જોડાય તેવી શક્યતા
સ્થાનિક ચૂંટણીને લઇને તૈયારીઓ શરૂ
ઉમેદવારી પત્રક ભરવાની અંતિમ તારીખ 9 ઓક્ટોબર
ભાજપમા સામેલ થવાની કરી રહ્યાં છે તૈયારી
બંને પાર્ટીઓના દિગ્ગજ નેતા NCના ફારૂક અબ્દુલ્લા અને ઓમર અબ્દુલ્લા અને પીડીપીના નેતા મહબૂબા મુફતી 5 ઓગસ્ટથી નજરબંધ છે. જો કે એક મળતાં અહેવાલ મુજબ નેશનલ કોન્ફરન્સ અને પીડીપીની સાથે-સાથે કોંગ્રેસના કેટલાંક પંચાયતના સભ્યો ભાજપમાં જોડાવાનો નિર્ણય કરી ચૂક્યાં છે, જેથી તેઓ બીડીસીના ચેરપર્સન ચૂંટણીમાં ભાજપના
ઉમેદવારને સમર્થન કરી શકે.
ઉમેદવારી પત્રક ભરવાની અંતિમ તારીખ 9 ઓક્ટોબર
એવુ માનવામાં આવી રહ્યું છે કે NC અને PDP નેતૃત્વ BDC ચૂંટણીમાં પોતાના ઉમેદવારોના સમર્થનમાં મેન્ડેટ જારી કરી શકે છે. કાશ્મીરમાં ઉમેદવારી પત્રક ભરવાની અંતિમ તારીખ 9 ઓક્ટોબર છે. કોંગ્રેસની ટીકીટ પર ચૂંટણી જીતેલા દક્ષિણ કાશ્મીર સ્થિત કુલગામના એક સરપંચ નિસાર અહમદે કહ્યું છે કે વિકાસની પ્રક્રિયામાં બની રહેવા માટે તેમની પાસે ભાજપને સમર્થન આપવા સિવાય કોઇ વિકલ્પ નથી?
સ્થાનિક ચૂંટણીને લઇને તૈયારીઓ શરૂ
જમ્મૂ-કાશ્મીરમાંથી કલમ-370 હટાવ્યાં બાદ પહેલી વાર રાજ્યમાં સ્થાનિક ચૂંટણીને લઇને તૈયારીઓ શરૂ થઇ ગઇ છે. રાજ્ય ચૂંટણી પંચે 24 ઓક્ટોબરના રોજ BDC માટે મતદાન કરવાનો નિર્ણય લીધો છે. ખરેખર તો જે સરપંચના માધ્યમથી બીડીસી ચૂંટણી થવાની છે, જેમાં ઘણા વિસ્તારોમાં 90 ટકા બેઠક ખાલી પડી છે.
64 ટકા મતદારોની જગ્યા છે ખાલી
કાશ્મીર ઘાટીના 10 જિલ્લાઓમાં સરપંચ અને પંચના કુલ 19,578 પદ છે, જેમાં માત્ર 7,029 બેઠક પર જ પ્રતિનિધિની નિમણૂંક થઇ છે. જેનો મતલબ છે કે BDC ચૂંટણીમાં જે મતદારોને મતદાન કરવાનું છે તેમાં 64 ટકા મતદારોની જગ્યા ખાલી છે. સૌથી ખરાબ પરિસ્થિતિ ઘાટીના બે મુખ્ય શહેર પુલવામા અને શોપિયામાં છે. જ્યાં પંચાયતની 90 ટકાથી વધારે બેઠક ખાલી છે.