ગાંધીનગર / નવાજૂનીના એંધાણ: 50થી વધુ MLAને કમલમમાં હાજર રહેવા સૂચના, મુખ્યમંત્રી અને પ્રદેશ અધ્યક્ષ પણ રહેશે હાજર

• ગાંધીનગરમાં કમલમ ખાતે 50 ધારાસભ્યોની બોલાવી બેઠક
• 50થી વધુ ધારાસભ્યને કમલમમાં હાજર રહેવા અપાઇ સૂચના
• આવતીકાલે સાંજે 5 કલાકે કમલમમાં હાજર રહેવા સૂચના

પ્રદેશ ભાજપ પ્રમુખ સી.આર.પાટીલે આવતીકાલે ગાંધીનગર કમલમ ખાતે 50 ધારાસભ્યોની બેઠક બોલાવી છે.  ત્યારે 50 થી વધુ ધારાસભ્યોને કમલમમાં હાજર રહેવા સૂચના અપાઈ છે.  આવતીકાલે સાંજે 5 કલાકે કમલમમાં હાજર રહેવા સૂચના અપાઈ છે. મહેસાણા, વડોદરા, અમદાવાદ, આણંદ સહિતના ધારાસભ્યને સૂચના છે.  તેમજ મુખ્યમંત્રી અને સિનિયર ધારાસભ્યો પણ હાજર રહેશે.

9 માર્ચે વડાપ્રધાન મોદી આવશે ગુજરાત
એક દિવસ અગાઉ રાજ્યના મુખ્યમંત્રી ભૂપેન્દ્ર પટેલ અચાનક મોડી સાંજે દિલ્હી પહોચ્યા હતા. ભુપેન્દ્ર પટેલ દિલ્હી હોવાથી વિધનાસભા કામગીરીમાં તેઓ હાજર રહી શક્યા  ન હતા.  મુખ્યમંત્રી ભૂપેન્દ્ર પટેલે વડાપ્રધાન નરેન્દ્ર મોદી સાથે મુલાકાત કરી તેઓ સાથે ચર્ચા વિચારણા કરી હતી.  ગુજરાતના વિવિધ પ્રોજેક્ટોને લઈ મુખ્યમંત્રી ભૂપેન્દ્ર પટેલે વડાપ્રધાન નરેન્દ્ર મોદી સાથે ચર્ચા કરી હતી. તેમજ વિવિધ બાબતોને લઈ બેઠક પણ યોજી છે. ત્યારે વડાપ્રધાન નરેન્દ્ર મોદી ગુજરાતના પ્રવાસે આવવાના છે. 9 માર્ચના રોજ પીએમ મોદી ગુજરાતની મુલાકાતે આવવાના છે. તેમજ તેઓ અમદાવાદના નરેન્દ્ર મોદી સ્ટેડિયમ ખાતે ઓસ્ટ્રેલિયાના પીએમ તથા પીએમ મોદી ક્રિકેટ મેચ નિહાળશે.