નવસારીના આ ગામમાં પાણીનો પશ્ન લગ્નમાં કરે છે વિલંબ યુવકોને નથી મળી રહી યુવતી

ઉનાળાની શરૂઆત થતાની સાથે જ પીવાના પાણીની બૂમરાણ ઉઠવા પામી છે. ત્યારે નવસારી મોવાસાના લોકો મીઠા પાણી માટે વલખા મારી રહ્યા છે અને આસપાસના ગામના કુવામાંથી ગામની મહિલાઓ દિકરીઓ પાણી ભરવા જવા મજબુર બની છે...  

આ છે નવસારીના ગણદેવી તાલુકાનું છેવાડાનું મોવાસા ગામ.. જયાં આઝાદીનાં 70 વર્ષે પણ સરકાર મીઠું પાણી આપી શકતી નથી. .વર્ષ 2011માં રાજય સરકાર દ્વારા મીઠાપાણી માટે $ 99 લાખના ખર્ચે એક્ષપ્રેસ પાઇપલાઇન નાખી છતાં લોકોને પાણી મળ્યું નથી.. મીઠું પાણી ન મળતા ગામની દિકરીઓ મહીલાઓ માસાગામે કુવામાં ભરવા જાય છે. પાણીના કારણે ગામના યુવકોને કોઇ છોકરી આપતા નથી અને પાણીના પશ્ન લગ્નમાં વિલંબ કરે છે. . 
 
મહીલાઓ કુવાનો સહારો લઇને પગના તળિયા ઘસીને પરિવારની તરસ છીપાવવા રહ્યી છે.. ધારાસભ્યથી લઇ સાંસદ સુધી રજૂઆત કરવા છતાં કોઇએ પગલું ભર્યુ નથી. 

આટ-આટલા વર્ષોથી પાણીના પોકાર રહેલા મૌસાના વ્હારેવહીવટીતંત્ર અને રાજકીય નેતાઓ આજ સુધી કોઇ નક્કર પરિણામ લાવી શક્યા નથી....એક્ષપ્રેસ પાણીની લાઈન અને તલાવડીઓ પણ અસરકારક પરિણામો આપી શકી નથી.. ત્યારે ગામના તળાવમાં જમા થયેલા પાણીનું શુદ્ધિકરણ કરીને પ્લાન્ટ નાખવામાં આવે તો કંઇક અંશે રાહત થાય એમ છે.