તાંત્રિકોને રવાડે ચઢેલા મા-બાપ માટે આંખ ઉઘાડનારો કિસ્સો સામે આવ્યોછે. ખુદ પિતા જ તાંત્રિકોના રવાડે ચઢ્યા જેના પરિણામ દીકરીઓએ ભોગવવા પડ્યા હતા.
નવસારીમાં તાંત્રિક વિધીના બહાને 2 બહેનો સાથે દુષ્કર્મ
ગણદેવી પોલીસે તાંત્રિકની કરી ધરપકડ
મહારાષ્ટ્રના તાંત્રિક વિષ્ણુ નાઇકની કરી ધરપકડ
નવસારીમાં તાંત્રિક વિધીના બહાને 2 બહેનો સાથે દુષ્કર્મ આચરવામાં આવ્યું છે. ગણદેવી પોલીસે તાંત્રિકની ધરપકડ કરી છે. મહારાષ્ટ્રના તાંત્રિક વિષ્ણુ નાઇકની ધરપકડ કરવામાં આવી છે. પરિણીતા અને સગીર બહેનો સાથે દુષ્કર્મ આચર્યું હતું. તાંત્રિકના 2 સાગરિતોની પણ ધરપકડ કરાઇ છે. સુરેશ પટેલ અને અબ્દુલ પઠાણ નામના સગરિતોની ધરપકડ કરી છે. ગણદેવી પોલીસે ગુનો નોંધી વધુ તપાસ હાથ ધરી છે.
શું છે મામલો?
ગણદેવીના એક ગામમાં ઉત્તર પ્રદેશથી આવીને એક પરિવાર વર્ષોથી વસ્યો છે. ચા-નાસ્તાની દુકાન ચલાવીને ગુજરાત ચલાવનારન પરિવારમાં પત્ની અને ચાર પુત્રી છે. જે પૈકી બે પુત્રીના લગ્ન થયા છે. તેમાંથી એક પુત્રીના લગ્ન થઈ ગયા છે અને તેને એક સંતાન પણ છે. પરંતુ સાસરે જતી ન હોવાથી પીયરમાં જ રહે છે. જ્યારે બીજી બે સગીર વયની પુત્રીઓ પણ છે. આ પરિવારમાં મોટી દીકરીને સાસરે બઘુ સમુસુતરુ પાર પાડવાના પ્રયાસોમાં ઠગ તાંત્રીકના હથ્થે ચઢી ગયા હતા. અને આ તાંત્રીકે તેમની એક દીકરીની નહીં પણ બે બે દીકરીઓની જીંદગી બરબાદ કરી નાંખી હોવાની ઘટના સામે આવી છે.
શૈતાન તો ન ગયો પણ તાંત્રિક જ શૈતાન બન્યો
ઘરમાં સુખ-શાંતી લાવવાનો દાવો કરનાર આ તાંત્રીકે રૂપિયા તો પડાવ્યા પણ દીકરીઓ સાથે વિધિ કરવાને બહાને તેમની સાથે શારીરિક સંબધો બાંધ્યા હતા. એટલું જ નહીં પરંતુ બંને દીકરીઓને ગર્ભવતી બનાવી દેતા આખો મામલો બહાર આવ્યો હતો.