નવસારીમાં ફરી એક વાર પરિવારને બંધક બનાવીને લૂંટ ચલાવવાની ખતરનાક ઘટના બની છે. જિલ્લાના જલાલપોર તાલુકામાં આવેલા વેસ્માં ગામમાં ચારથી પાંચ ઈસમોની ટોળકીએ તલવારની અણીએ એક પરિવારને બંધક બનાવી રોકડ સહીત સોના ચાંદીની લૂંટ ચલાવી પલાયન થયા છે.
આજે અડધી રાત્રે વેસ્માં ગામમાં આવેલા પ્રતામ નગર વિસ્તારમાં આવેલા એક મકાનમાં અજાણ્યા ચારથી પાંચ લુંટારૂઓ એક પરિવારના ઘરમાં ઘૂસીને તલવાર અને લાકડીઓ વડે પરિવારના ૫ સભ્યોને બંધક બનાવી રોકડા અને દાગીનાની લૂંટ ચલાવી હતી. જે તમામ લૂંટારુ ઈસમો માલમલીદો લઈને ઝડપભેર ગાયબ થયા હતા.
બંધક બનાવેલા તમામ લોકોને એક રૂમમાં બંધ કરીને લૂંટારુઓ ગાયબ થયા હતા. લૂંટની જાણ થતા જિલ્લા પોલીસ તપાસઅર્થે ઘટના સ્થળે આવી ગયા હતા અને આરોપીઓને શોધવાના પ્રયત્નો હાથધર્યા છે. નવસારી ગ્રામ્ય હદ વિસ્તારમાં એક મહિનામાં લૂંટનો બીજો બનાવ સામે આવતા પોલીસ પેટ્રોંલિંગ પર પણ સવાલો ઉભા થઈ રહ્યા છે. સમગ્ર ઘટના સીસીટીવીમાં થઈ કેદ. પોલીસે સીસીટીવીમાં આધારે તાપસ શરૂ કરી છે.