કોરોના વાયરસ / સિબ્બલે કહ્યું- સુરતમાં સોશ્યલ ડિસ્ટન્સિંગ ક્યાં? ભાજપના ધારાસભ્યએ કહ્યું આવીને જોઈ જાઓ

• સી.આર પાટીલના નિવાસસ્થાને એકત્ર ભીડનો મામલે રાજનીતિ
• સુરતમાં એક જગ્યાએ 4 હજાર લોકો એકત્ર થયા: કપિલ સિબ્બલ
• કપિલ સિબ્બલને સુરત આવી વ્યવસ્થા તપાસ માટે આમંત્રણઃ હર્ષ સંઘવી

નવસારીના સાંસદ સી.આર પાટીલના નિવાસસ્થાને એકત્ર ભીડનો મામલે રાજનીતિ થઇ રહી છે. ટ્વીટર પર ભાજપ અને કોંગ્રેસ નેતાઓ આમને-સામને આવ્યા છે. આ મામલે કોંગ્રેસના વરિષ્ઠ નેતા કપિલ સિબ્બલે પ્રશ્નો ઉઠાવ્યા છે. સિબ્બલે કહ્યું કે, સુરતમાં એક જગ્યાએ 4 હજાર લોકો એકત્ર થયા. એકત્ર થયેલા લોકોમાં સોશિયલ ડિસ્ટન્સિંગનો અભાવ.

કપિલ સિબ્બલે આજે ટ્વિટ કર્યું હતું. જેમાં તેમણે લખ્યું હતું કે, સુરતમાં 4000 લોકો હતા, 5 કિ.મી. લાંબી લાઇન હતી, 37 ડિગ્રી તાપમાન હતું, 5 કલાક સુધી રાહ જોઈ અને 1500 લોકોને જ અનાજ મળ્યું. બીજા પાછા ગયા! સોશિયલ ડિસ્ટન્સિંગ?

Surat ( tryst with survival )

4000 people
5km queue
37 degrees centigrade
5 hours wait
1500 got grains

Rest went back !

Social distancing ?

— Kapil Sibal (@KapilSibal) April 28, 2020

કપિલ સિબ્બલને MLA હર્ષ સંઘવીએ આપ્યો જવાબ

કપિલ સિબ્બલના પ્રહાર પર ભાજપના ધારાસભ્ય હર્ષ સંઘવીએ ટ્વિટ કરીને જવાબ આપ્યો છે. હર્ષ સંઘવીએ કહ્યું કે, સુરતમાં તમામ જરૂરિયાતમંદ ભાઈઓ અને બહેનો માટે એ તમામ વ્યવસ્થા છે જે વાયનાડમાં નહીં હોય! હું સુરતનો ધારાસભ્ય હોવાના નાતે તમને આમંત્રિત કરું છું કે આવો અને જાતે જોઈ લો!

सूरत में सभी जरूरतमंद भाइयों और बहनो के लिए वो सब इंतज़ाम है जो Wayanad में भी नहीं होंगे! मैं सूरत का विधायक होने के नाते आपको सादर आमंत्रित करता हूँ कि आइए और खुद देख ले! https://t.co/CLtz0B54Sb

— Harsh Sanghavi (@sanghaviharsh) April 28, 2020

હર્ષ સંઘવીએ ફેસબુક પર પોસ્ટ કરીને લખ્યું કે, રણનીતિ કરો, રાજનીતિ નહીં, આ સમય દેશને એકજૂટ થવાનો છે, ન કે દેશ માટે જે લોકો કામ કરી રહ્યા છે તેને નીચા બતાવવાનો, કંઇક તો શરમ કરો.

 સુરતમાં છેલ્લા કેટલાક દિવસથી પરપ્રાંતિય લોકો સાંસદ સી.આર.પાટીલના કાર્યાલય આગળ લાઇન લગાવી રહ્યાં હતા.