દાદીએ પાંચ દિવસની પ્રેક્ટિસ બાદ ગંગુબાઈ મુવીના ગીત પર કર્યો જોરદાર ડાન્સ, વીડિયો મચાવી સોશિયલ મીડિયામાં ધૂમ
દાદીનો ધમાકેદાર ડાન્સ
દાદીના ડાન્સને જોઈ ફિલ્મ અભિનેત્રીના ડાન્સને ભૂલી જશો
ગંગુબાઈ મુવીના સોંગ પર ધૂમ મચાવી
ફિલ્મ ગંગુબાઈ કાઠિવાડીના ઢોલીડા ગીતે ખુબ જ લોકચાહના મેળવી છે. આ ગીતના તાલે તમે અનેક લોકોને ઝુમતા જોયા હશે. પરંતુ હાલ સોશિયલ મીડિયામાં એક એવો વીડિયો વાયરલ થયો છે, જે જોઈને તમને આશ્ચર્ય લાગશે. કારણ કે 74 વર્ષના એક માજી અદ્દભૂત ડાન્સ કરી રહ્યા છે. આ વૃદ્ધાએ પુરવાર કર્યું કે વ્યક્તિ ધારે તો ક્યાંય પણ ઉંમરના બંધન નડતા નથી.
ગંગુબાઈ મુવીના સોંગ પર ધૂમ મચાવી દાદીએ
અભિનેત્રી આલિયા ભટ્ટ અભિનિત ફિલ્મ ગંગુબાઈ કાઠિયાવાડીએ દર્શકોને ખૂબ મનોરંજન પૂરુ પાડ્યું. સંજય લીલા ભણસાલી નિર્મિત આ ફિલ્મ તેના ગીતના કારણે પણ ખૂબ ચર્ચામાં રહી. પરંતુ હાલમાં આ ફિલ્મના એક ગીત પર સ્ટેજ પરફોર્મન્સ આપતા એક માજીનો વીડિયો ખૂબ જ ચર્ચામાં આવ્યો છે. સામાન્ય રીતે વ્યક્તિ એક માનસિકતા સાથે જીવતો હોય છે. અને એ માનસિકતાથી જ પ્રભાવિત થઈને વ્યક્તિ જીવન જીવવાનો પ્રયાસ કરે છે. ત્યારે ઘણી વખત મનથી જ નક્કી કરી લે છે કે અમુક વયના વ્યક્તિ જ અમુક કાર્ય કરે છે. પરંતુ આ વીડિયો તમામ ધારણાઓના સીમાડા વટાવી દિધા.
— VTV Gujarati News and Beyond (@VtvGujarati) March 24, 2022
74 વર્ષના દાદીનો વીડિયો સોશિયલ મીડિયામાં વાયરલ
સોશિયલ મીડિયા પર વાયરલ થયેલો આ વીડિયો છે નવસારીમાં રહેતા જશોદાબેન પટેલનો. 74 વર્ષના એક માજી મન મૂકીને ગંગુબાઈ કાઠિયાવાડી ફિલ્મના ઢોલીડા ગીત પર ઝૂમી ઉઠ્યાં. 8મી માર્ચે વર્લ્ડ વુમન્સ ડે નિમિત્તે નવસારીના સિનિયર સીટીઝન્સ માટે પટેલ સોસાયટીમાં એક કાર્યક્રમનું આયોજન કરવામાં આવ્યું હતું.જેમાં આલિયા ભટ્ટને પણ શરમાવે એવો ડાન્સ કરી 74 વર્ષના માજી અનેક વૃદ્ધો માટે પ્રેરણારૂપ બન્યા. જશોદાબેન પટેલને બે પુત્રો છે અને તેઓ વિદેશમાં સ્થાયી થયા છે.હાલ તેઓ પોતાના પતિ સાથે નિવૃત્તિ જીવન ગાળી રહ્યા છે.વીટીવી ન્યુઝે એ માજીનો સંપર્ક કરી તેમની સાથે વાત કરી. તો વીટીવી સાથેની વાતચીતમાં માજીએ શું કહ્યું આવો સાંભળીએ.
વડીલો માટે એક આદર્શ બન્યા
સામાન્ય રીતે ઘરના વડીલો જીવનમાં આવેલી નિવૃત્તિ બાદ ખાસ કંઈ કામ કરતા નથી. અને માત્ર શારીરિક તકલીફો,ફરિયાદો અને વેદના સાથે જીવન ગાળતા હોય છે. પરંતુ નવસારીના જશોદાબેન સમાજના અન્ય વડીલો માટે એક આદર્શ બન્યા છે. અને એક માઈલસ્ટોન સેટ કર્યો છે કે જો વ્યક્તિ ધારે તો ઉંમરનો બાધ પણ આડે આવી શકતો નથી. જશોદાબેને પોતાના પતિના કહેવાથી કાર્યક્રમમાં ભાગ લીધો હતો અને ડાન્સ પર્ફોમન્સ આપ્યું પણ આ ડાન્સ પર્ફોમન્સનો વિડિયો હાલ સોશિયલ મીડિયામાં વાયરલ થયો છે તેની જાણ જશોદાબેનને પણ ન હતી.જ્યારે અનેક વડીલો શારીરિક તકલીફો કે ભૂતકાળને વાગોળતા જીવન જીવતા હોય છે. ત્યારે બધી ફરિયાદોને નેવે મૂકી જશોદાબેને ઉંમરને પણ શરમાવી દીધી. માત્ર પાંચ દિવસની તાલીમ લઈને માજીએ ધૂમ મચાવી દીધી.