નવું શૈક્ષણિક સત્ર ચાલુ થઈ ગયું છે. રાજ્યમાં સરકારી શાળાઓ તરફ નાગરિકોમાં ઊભો થયેલો અણગમો દૂર કરવા સરકારે કવાયત હાથ ધરી છે. તો બીજી તરફ ચાલુ વર્ષે નવસારીમાં જિલ્લામાં 25 જેટલી સરકારી શાળાઓને તાળા મારવા પડે તેવી સ્થિતિ ઊભી થઈ છે. કેમ કે સરકારના પ્રયાસો છતાં સરકારી શાળાની ગુણવત્તા તરફ હજુ પણ અનેક વાલીઓમાં ભરોસો ઊભો થયો નથી. નવસારીમાં સરકારી શાળાઓને લાગી ગયેલા તાળા સરકારી વાહવાહીને સણસણતા જવાબ સમાન બની ગયા છે. જોઈએ આ અહેવાલ.
નવું શૈક્ષણિક સત્ર ચાલુ થઈ ગયું છે. પરંતુ હજુ સુધી આ શાળાઓમાં કોઈ બાળક ફરક્યું નથી કે નથી કોઈ શિક્ષકો ફરક્યા. આ શાળાના આ પરિસરો સૂમસામ દેખાઈ રહ્યા છે. વર્ગખંડોને હજુ તાળા લાગેલા છે. .આ ફૂલછોડ પણ બાળકોની તોફાન મસ્તી વિના ઉદાસ હોય તેવું લાગી રહ્યું છે. તમને આ સૂની શાળાઓ પડી છે કેમ કે, સરકારના ચોપડે હવે આ શાળાઓ કાયમ માટે બંધ કરી દેવાઈ છે.
નવસારી જિલ્લાની આ એક નહીં પરંતુ આવી તો 25 જેટલી શાળાઓને સરકારે કાયમ માટે બંધ કરી દેવી પડે તેવી સ્થિતિ ઊભી થઈ છે. કેમ કે, સરકારના લાખ પ્રયાસો છતાં હજુ પણ અનેક વાલીઓને સરકારી શાળાઓના શિક્ષણ કે માળખાગત સુવિધાઓ પર વિશ્વાસ બેસતો થયો નથી. જેના કારણે અનેક વાલીઓએ પોતાના સંતાનોને સરકારી શાળા છોડાવી ખાનગી શાળા તરફ વાળી દીધા છે. પરિણામે ગુણવત્તા સુધાર્યાના બણગા વચ્ચે સરકારે અનેક શાળાઓ બંધ કરવાનો વખત આવ્યો છે.
ચાલુવર્ષે નવસારી શહેર અને જિલ્લામાં 25 જેટલી સરકારી શાળાઓ બંધ થઇ છે જેમાં નવસારી અને વાંસદા તાલુકામાં મળીને 4 શાળા બંધ કરાઈ છે. જયારે ખેરગામમાં એક અને જલાલપોરમાં 10 શાળા બંધ થઈ ગઈ છે. તો ગણદેવીમાં 6 શાળાઓ અને ચીખલીમાં 4 શાળાઓમાં વિદ્યાર્થીઓની અપૂરતી સંખ્યાના કારણે શાળાઓ બંધ કરવામાં આવી છે. નવસારી જિલ્લામાં બંધ થયેલી શાળાઓના લિસ્ટ પર તમે પણ એક નજર ફેરવો.
ધોરણ 1થી 5 સુધીની બંધ થયેલી શાળાઓના આ રહ્યા નામ. આરસણ પ્રાથમિક શાળા. મોગાર પ્રાથમિક શાળા. વેસ્મા કુમાર શાળા. આટ પ્રાથિમક શાળા. સામાપોર પર ફળીયા પ્રાથમિક શાળા. કરાડી પ્રાથિમક શાળા. ભેંસલા દેવધા ફળીયા પ્રાથમિક શાળા. માસા પ્રાથમિક શાળા. તાલિયારા પ્રાથમિક શાળા. મેંધર પ્રાથમિક શાળા . બીગરી પ્રાથમિક શાળા. વાગલવાડ પ્રાથમિક શાળા અને સમરોલી પ્રાથમિક શાળા સરકારી શાળાની ગુણવત્તા પર વાલીને ભરોસો ન રહેતાં ખાનગીશાળા તરફ વાલીઓ પોતાના બાળકોને લઈ જવા મજબુર બન્યા છે જેના કારણે સરકારી શાળાઓને તાળાઓ લાગી ગયા છે. સરકારની સરકારી શાળાઓની વાહવાહી સામે અનેક વાલીઓએ આપેલો આ સણસણતો જવાબ છે. વાલીઓ મોટી ફી ભરીને પણ ખાનગીશાળાનો મોહ રાખી રહ્યા છે.
બંધ થયેલી શાળાનું લિસ્ટ (ધોરણ 5 સુધીની શાળા)
1) આરસણ પ્રાથમિક શાળા
2) મોગાર પ્રાથમિક શાળા
3) વેસ્મા કુમાર શાળા
4) આટ પ્રાથિમક.શાળા.
5) સામાપોર પર ફળીયા પ્રાથમિક શાળા
6) કરાડી પ્રાથિમક શાળા
7) ભેંસલા દેવધા ફળીયા પ્રાથમિક શાળા
8) માસા પ્રાથમિક શાળા
9) તાલિયારા પ્રાથમિક શાળા
10) મેંધર પ્રાથમિક શાળા
11) બીગરી પ્રાથમિક શાળા
12) વાગલવાડ પ્રાથમિક શાળા
13) સમરોલી પ્રાથમિક.શાળા
ઉલ્લેખનીય છે કે, નવસારી જિલ્લામાં માત્ર ધોરણ એકથી પાંચની જ નહીં પરંતુ ધોરણ 6થી8ની ઉચ્ચતર પ્રાથમિક શાળા પણ વિદ્યાર્થીઓના અભાવે બંધ કરવાની સરકારને ફરજ પડી છે..સરકારની ઢીલી નીતિ અને વાલીઓના અણગમાના કારણે બંધ કરવી પડી હોય તેવી આ રહ્યું ઉચ્ચતર પ્રાથમિક શાળાઓનું લિસ્ટ. નીમળાઈ પ્રાથમિક શાળા. આવડા ફળીયા પ્રાથમિક શાળા. .નાની પેથાણ પ્રાથમિક શાળા. કેનેરા પ્રાથમિક શાળા. કરાંખટ પ્રાથમિક શાળા. .મછાડ પ્રાથમિક શાળા. . તલાવચોરા પ્રાથમિક શાળા. રંવેલીકુલ્લા પ્રાથમિક શાળા. ઊંચા બેડા પ્રાથમિક શાળા. ચાપલધરા પ્રાથમિક શાળા. નાની વાલજર પ્રાથમિક શાળા. રંવેરીખુર્દ પ્રાથમિક શાળા.
બંધ થયેલી શાળાનું લિસ્ટ (ધોરણ 6 થી 8 સુધીની શાળા)
1) નીમળાઈ પ્રાથમિક શાળા
2) આવડા ફળીયા પ્રાથમિક શાળા
3) નાની પેથાણ પ્રાથમિક શાળા
4) કેનેરા પ્રાથમિક શાળા
5) કરાંખટ પ્રાથમિક શાળા
6) મછાડ પ્રાથમિક શાળા
7) તલાવચોરા પ્રાથમિક શાળા
8) રંવેલીકુલ્લા પ્રાથમિક શાળા
9) ઊંચા બેડા પ્રાથમિક શાળા
10) ચાપલધરા પ્રાથમિક શાળા
11) નાની વાલજર પ્રાથમિક શાળા
12 ) રંવેરીખુર્દ પ્રાથમિક શાળા
નવા શૈક્ષણિક સત્રની શરૂઆતે સરકારી શિક્ષણ તંત્ર પ્રવેશોત્વમાં વ્યસ્ત થયું છે. તે પછી ગુણોત્સવ, અને પછી રમતોત્સવ જેવા કાર્યક્રમો શરૂ થશે. તે પછી સરકારી શિક્ષકોને જાત જાતની પ્રવૃત્તિમાં જોતરવામાં આવશે. પરંતુ તે બધા વચ્ચે સરકારી શાળાઓ ઊભો થતો જતો વાલીઓનો અણગમો શિક્ષણના નીતિનિર્ધારકો સામે સવાલ બનીને ઊભો ઊભો થયો છે. આખરે આ શાળા બંધ કરી દેવાના મૂળ કારણો સુધી તો સરકારે જવું જ પડશે.