નવસારી નગરપાલિકાના કોર્પોરેટરને બુટલેગરે માર માર્યો હોવાની ઘટના સામે આવી છે. પાલિકાના ભાજપના કોર્પોરેટર ભુપત દુધાતને જ્યોતિ નામની મહિલા બુટલેગરે માર માર્યો હતો. દારૂ લેવા બાબતે મહિલા બુટલેગર સાથે જીભાજોડી થયા બાદ આ ઘટના બની હતી. કોર્પોરેટર દારૂ લેવા માટે મહિલા બુટલેગર પાસે ગયો હતો ત્યારે મહિલા સાથે બોલાચાલી થઈ હતી. ઘટનાને પગલે લોકોના ટોળેટોળા એકઠા થયા હતા અને જિલ્લા પોલીસનો કાફલો ઘટનાસ્થળે પહોચ્યો હતો.
આ ઘટના અંગે મળતી વિગત મુજબ ગતરોજ ભાજપના કોર્પોરેટર જ્યોતિ નામની મહિલા બુટલેગર પાસે દારૂ લેવા ગયો હતો. ત્યારે દારૂ લેવા બાબતે ભાજપના કોર્પોરેટર ભુપત દૂધાત અને મહિલા બુટલેગરને જીભાજોડી થતા મહિલા બુટલેગરે ભાજપના કાર્યકરને માર માર્યો હતો.
ઉલ્લેખનીય છે કે એક તરફ ગાંધીના ગુજરાતમાં દારૂ પર પાબંધી લાદવામાં આવેલ છે તેમ છતા કેટલાક લોકો દ્વારા કાયદો અને વ્યવસ્થાને અભેરાઇ પર ચડાવીને દારૂની હેરાફેરી અને વેચાણ કરતા હોય છે. ત્યારે ગતરોજ નવસારીના એક સ્થાનિક કોર્પોરેટર દારૂ લેવા માટે ગયા હતા. દોરૂ લેવા ગયેલા કોર્પોરેટરે મહિલા બુટલેગર સાથે જીભાજોડી કરતા મામલો વધુ બિચકાયો હતો અને ઉગ્ર બનેલી મહિલા બુટલેગરે ભાજપના કોર્પોરેટર દૂધાતને મેથીપાક ચખાડ્યો હતો.
આપને જણાવી દઇએ કે આ ઘટની જાણ શહેરમાં થતા લોકમાં કિસ્સો ટોક ઓફ ધ ટાઉન બની હતી. અત્રે ઉલ્લેખનીય છે કે રાજ્યમાં કડક દારૂબંધી છે તેમ છતા થોડા દિવસ પહેલા જ વડોદરા ભાજપના સ્થાનિક મહામંત્રીએ રાજ્યપાલને એક પત્ર લખીને દારૂ વેચવાનો પરવાનો પણ માગ્યો હતો ત્યારે આજરોજ ભાજપના વધુ એક કાર્યકરે દારૂ લેવા બાબતે ચર્ચાનો વિષય બન્યા હતા.