નવસારીના ખડસુપા વિસ્તારમાં B.COMમાં અભ્યાસ કરતા 20 વર્ષીય વિશાલ હળપતિનું ઢોરની અડફેટે આવી જતા કરૂણ મોત નિપજ્યું છે.
રખડતા ઢોરોની સમસ્યાએ નાથવા તંત્ર નિષ્ફળ
નવસારીમાં ઢોરની અડફેટે B.COMના વિદ્યાર્થીનું મોત
20 વર્ષીય વિશાલ હળપતિનું ઢોરની અડફેટેથી મોત
રાજ્યના મહાનગરોમાં રખડતા ઢોરનો ત્રાસ વધી ગયો છે એટલું જ નહીં નાના શહેરોમાં પણ આવી જ સ્થિતિ જોવા મળી રહી છે એનું એક જીવંત ઉદાહરણ સામે આવ્યું છે
નવસારીમાં ઢોરની અડફેટે B.COMના વિદ્યાર્થીનું મૃત્યુ
નવસારીમાં રખડતા ઢોરના ત્રાસને કારણે એક વિધાર્થીએ જીવ ગુમાવવાનો વારો આવ્યો છે. ખડસુપા વિસ્તારમાં B.COMમાં અભ્યાસ કરતો વિશાલ હળપતિ ઢોરની અડફેટે આવી જતા તેનું કરૂણ મોત નિપજ્યું છે. 20 વર્ષીય વિશાલના મોતને લઈ સ્થાનિકોમાં રોષ જોવા મળ્યો હતો મહત્વનું છે કે અનેક વાર તંત્રને રજૂઆત કરી હોવા છતા સ્થાનિક તંત્ર દ્વારા સમસ્યાનો નિકલ કરવામાં ન આવતા એક પરિવારે પોતાનો જુવાન દિકરો ગુમાવવાનો વારો આવ્યો છે. રખડતા ઢોરની અડફેટે વિદ્યાર્થીનું મોત નિપજતા પરિવારજનો શોક મગ્ન બન્યા છે.
જામનગરમાં રૂવાંટા ઉભા કરી દે તેવા દ્રશ્યો
ઉલ્લેખનિય છે કે મંગળવારે જામનગરમાં રૂવાંટા ઉભા કરી દે તેવા દ્રશ્યો સામે આવ્યા હતા, જેમાં એક ગાયે મહિલા ઉપર અચાનક હુમલો કરી દેતા મહિલા ગંભીર રીતે ઘાયલ થઈ હતી. વાયરલ થયેલા CCTVમાં જોર્ઈ શકાય છે કે રણજીત રોડ પર રખડતી ગાયે એક મહિલાને અડફેટે લઈ સતત બે મિનિટ સુધી ઢીંક ચડાવતા મહિલાને ગંભીર ઈજાઓ પહોંચી હતી. એટલું જ નહીં 15 જેટલા લોકોએ માંડમાંડ કરીને મહિલાને ગાયની ચુંગાલમાંથી મુક્ત કરાવી જીવ બચાવ્યો હતો. મહિલાની માસૂમ બાળકી હિંમતભેર માતાને બચાવવા આગળ આવી પુત્રીની હિંમત જોઈ અન્ય લોકો પણ મહિલાને બચાવવા દોડી આવ્યા હતા મહિલાને ગંભીર ઈજા થતા તેને જી. જી. હોસ્પીટલમાં સારવાર અર્થે દાખલ કરવામાં આવી છે. જ્યારે વધુ એક ઘટનાની વાત કરીએ તો જામનગરમાં નંદનવન પાર્ક આવેલી સોસાયટીના બે આખલાઓ બાખડતા મોટરસાયકલ ચાલકને ટક્કર મારી હતી, જેના CCTV આવ્યા સામે આવ્યા હતા. જ્યારે અન્ય એક ઘટનામાં જામનગરના હાપા વિસ્તારમાં દોડતી આવતી બે ગાયોએ યુવકને લીધો અડફેટે લીધો હતો.
વડોદરા શહેરમાં પણ રખડતા ઢોરનો ત્રાસ
આ તરફ વડોદરા શહેરમાં પણ નાગરીકોને રખડતા ઢોરનો ત્રાસ સહન કરવો પડી રહ્યો છે વિટીવી ના કેમેરામાં રખડતા ઢોર કેદ થયા હતા છતા તંત્રની આંખ આડા કાન કરવાની નીતિથી નાગરિકોને હાલાકી ભોગવવી પડી રહી છે કોર્પોરેશનના અધિકારીઓને આ ઢોર દેખાતા નથી નવાઈની વાત તો એ છે કે ડભોઈના દોદી ભાગોળ વિસ્તારમાં રખડતા પશુઓનો ત્રાસને કારણે એક બાઈક સવારનું મોત પણ નિપજ્યું છે જોકે આખો મામલો ઢોર પાર્ટી અને પશું માલિકો વચ્ચેની સાંઠગાડના કારણે દબાઈ ગયો છે.
સુરતમાં ઢોરના કારણે લોકો પોકારી ઉઠ્યા ત્રાહિમામ
સુરતમાં રસ્તા પરના ઢોરના કારણે લોકો ત્રાહિમામ પોકારી ઉઠ્યા છે. શહેરમાં સૌથી વધુ ઢોરના કારણે ભટાર, અલથાણ, પાલનપુર રોડ, પાલ વિસ્તારમાં ત્રાસ છે. સ્થાનિક લોકોએ અનેક વખત ઢોરને પકડવા માટે મામલે તંત્રમાં ફરિયાદ કરી છે. રસ્તા પર ઢોર આવતા અનેક વખત અકસ્માતની ઘટના પણ બની છે. અનેક વખત ઢોરના હુમલાના કારમે લોકો ઈજાગ્રસ્ત પણ થાય છે. અગાઉ ઢોર પકડવા આવતા લોકો પર હુમલા થયા છે. હુમલાના ડરે તંત્ર કામગીરી ન કરતુ હોવાનું લોકોએ આક્ષેપ કર્યો છે.