સુરક્ષા / નવરાત્રીમાં દીકરીઓની ચિંતાના નિરાકરણ માટે માતા-પિતા કરી રહ્યા છે આવું કામ

• નવરાત્રીમાં બાઉન્સરોની માગ વધી
• દીકરીની સુરક્ષાને ધ્યાને રાખી માતા-પિતા રાખી રહ્યા છે બાઉન્સર

માતા-પિતાએ દીકરીઓ માટે રાખ્યા બાઉન્સર
 
જે માતા-પિતાએ પોતાની દીકરીઓ માટે આવા બાઉન્સરો રાખ્યા હોય છે. તે પાર્ટી પ્લોટની અંદર જ ખૈલેયાની જેમ ગરબે ગુમતા હોય છે. જેમની માટે તેમને ડ્યુટી કરવાની હોય તેમની આજુ બાજુ જ ગરબે ગુમતા જોવા મળે છે. આ પહેલા માતાપિતા પોતાની દિકરીઓની ચીંતા માં જાતે જ ગરબા રમવા કે તેમની સાથે જતા હતા. પંરતુ આવુ કરવુ આજની જનરેશનને ગમતુ નથી. માટે આ નવો જ પ્રયત્ન પરિવારે અપનાવ્યો છે. 

બાઉન્સર રાખવાનો એક દિવસનો ખર્ચ 3 થી 5 હજાર 

પોતાની દિકરીની સેફ્ટી માટે માતા-પિતા ગમે તેટલા પૈસા ખર્ચતા પણ પાછી પાની નથી કરતા. આવા બાઉન્સરો એક દિવસના ૩થી ૫ હજાર જેટલા પૈસા લેતા હોય છે. પરંતુ દિકરી સારી રીતે ગરબે ગુમી શકે અને તેને કોઇ પ્રકારની મુશ્કેલીના પડે તે માટે આ કિમંત પરીવાર ખુશી ખુશી ખર્ચી નાંખે છે. અમદાવાદ, વડોદરા, આણંદ, અંકલેશ્વર, રાજકોટ અને સુરત જેવા અનેક શહેરોમાં બાઉન્સરો આ વર્ષે તગડી કમાણી કરી રહ્યા છે. 

ખેલૈયાના પહેરવેશમાં હોય છે બાઉન્સર

આ વિશે વાત કરતા સિકયોરીટી કંપનીમાં સર્વીસ કરતા મુકેશભાઇ રાણા કહે છે કે, પોતાની દિકરીઓને સેફ રાખવા માટે માતાપિતાએ આ નવો પ્રયોગ અપનાવ્યો છે. બાઉન્સરો યુવતિ સાથે ગરબે ગુમે છે તેવી કોઇને જાણ શુદ્ધા પણ હોતી નથી. બાઉન્સરો ખેલૈયાના પહેરવેશમાં જ હોય છે કોઇને એવુ જ લાગે કે આ યુવતિનો ભાઇ કે મિત્ર છે. આમ નવરાત્રીમાં દિકરીઓની સેફ્ટીને લઇને માતા-પિતા અને પરીવાર સ્માર્ટ બની ગયા.