Navratri 2022 / દેવી ઉપાસના: નવરાત્રિમાં શા માટે પ્રગટાવવામાં આવે છે અખંડ જ્યોત? જાણો શું છે તેનુ મહત્વ

• નવરાત્રિને શરૂ થવામાં હવે થોડા દિવસ બાકી
• નોરતામાં ઘણા લોકો અખંડ જ્યોત પ્રગટાવે છે
• જાણો આ અખંડ જ્યોતનુ શું છે મહત્વ

નવરાત્રિમાં અખંડ જ્યોત પ્રગટાવવામાં આવે છે 

આમ તો ઘરમાં પ્રાત: દેવ પૂજન અને સંધ્યાના સમયે દીવો પ્રગટાવવામાં આવે છે, પરંતુ નવરાત્રિ અને અન્ય મુખ્ય અવસરો જેમકે માતાનુ જાગરણ, ભજન-કીર્તન, રામ ચરિત માનસના અખંડ પાઠમાં અખંડ જ્યોત પ્રગટાવવામાં આવે છે. બધા લોકો આ વાતને જાણે છે કે અખંડ જ્યોતિનુ ભક્તિ ક્ષેત્રમાં સારું મહત્વપૂર્ણ સ્થાન છે. અખંડ જ્યોત પર ચર્ચા કરતા પહેલા દીવા અંગે જાણવુ અત્યંત જરૂરી છે.

ઈશ્વર સુધી પહોંચે છે ભક્તિ

દીવામાં ઉપસ્થિત અગ્નિદેવના માધ્યમથી ભક્તો પોતાની સંવેદનાઓ ઈશ્વરની પાસે મોકલવાનો પ્રયાસ કરે છે. અહીં દીવો ભક્તને મેસેન્જરના રૂપમાં તેમની ભાવનાઓને ઈશ્વર અથવા ઈષ્ટ સુધી પહોંચાડે છે, તેથી કહેવામાં આવે છે કે જે ઘરમાં દરરોજ ઈશ્વર પૂજા, દીવો પ્રગટાવવો, ઘંટ અને શંખ વગાડવાની પરંપરા છે, એ ઘરમાં ઈશ્વર અને માં લક્ષ્મીનો વાસ થાય છે. કોઈ પણ પ્રકારની પૂજાનો આરંભ દીવાામાં અગ્નિ પ્રગટાવીને જ કરવામાં આવે છે અને પૂજા પૂર્ણ થયા બાદ દેવ અથવા દેવીના દીવા પરથી આરતી લેવાની માન્યતા છે. 

દીવો અખંડ રહેવો જોઈએ 

જેટલી વાર ઉપાસના ચાલુ રહે છે, તેટલી વાર દીવો અખંડિત રીતે પ્રગટવો જોઈએ. જેથી દીવાની ઉર્જાથી ધીરે-ધીરે આજુબાજુનો ઓરા સાફ થાય છે. દીવાનુ આધ્યાત્મિક અને વૈજ્ઞાનિક બંને પ્રકારનુ મહત્વ ઘણુ વધારે હોય છે. દીવો પ્રગટાવ્યાં બાદ ધીરે-ધીરે પોતાની લો ગરમીથી આજુબાજુના ક્ષેત્રને પણ કવર કરે છે, જેટલો સમય અખંડ દીવો પ્રગટે છે, તેનો એરિયા એટલો જ વધે છે. અખંડિતનો સીધો અર્થ છે કે જેટલી વાર પૂજા ચાલે, દીવો પણ તેટલી વાર ચાલતો રહે એટલેકે દીવો બુઝાવો જોઈએ નહીં. જેના માટે ધ્યાન રાખવુ જોઈએ કે જે દીવામાં અખંડ જ્યોત પ્રગટાવવામાં આવે તેની રૂની વાટ પૂરતી હોય અને તેમાં ઘી પૂરતી માત્રામાં ભરેલુ હોય.